Kanuma Festival 2025
కనుమ పండుగ 2025
సంక్రాంతి వేడుకలలో మూడవ రోజు పశువులకు కృతజ్ఞతలు తెలపడానికి కేటాయించబడింది. అందుకే ఈ పండుగను కనుమ పండుగ అని అంటారు. నిజానికి, వ్యవసాయంలో పశువులకు ఎంతో ముఖ్యమైన పాత్ర ఉంది, కాబట్టి రైతులు పశువులను తమ కుటుంబ సభ్యుల్లాగా భావిస్తారు. ఈ కనుమ పండుగను పశువుల పండుగ అని కూడా పిలుస్తారు. ముఖ్యంగా పల్లెలో ఈ పండుగను ప్రత్యేకంగా జరుపుతారు. ఈ రోజు పశువులను అందంగా అలంకరించి పూజలు చేస్తారు.
కొన్ని ప్రాంతాలలో, పశువులకు ఇత్తడి తొడుగులు, మూపురాలపై పట్టుబట్టలు, కాళ్లలో గజ్జలు, మెడలో పూలదండలు పెట్టడం సాధారణం. పశువులతో పాటు, పక్షులను కూడా ఆదరించే సంప్రదాయం ఉంది. అందుకే ధాన్యపు కంకులను ఇంటి చుట్టూ వేలాడదీస్తారు. ఆ పిట్టలు స్వేచ్ఛగా చుట్టూ తిరుగుతూ పాడుతుంటాయి, దాంతో ఆ ప్రాంగణం ఆనందంగా మారుతుంది. పంట చేతికందేందుకు సహాయపడిన వారికి ఈ రోజున కొత్త బట్టలు ఇవ్వడం కూడా ఆనవాయితీ. కనుమ రోజున మాంసాహారం తినడం ఆంధ్రప్రదేశ్‌లో సాధారణంగా జరుగుతుంది. మాంసాహారం తినని వారు గారెలతో (మినుములో మాంసకృతులు అధికంగా ఉండి, ఇది శాకాహారులకు మాంసం వంటి పరిణామాన్ని కలిగిస్తుంది) తృప్తి పడతారు.
ప్రయాణాలు ఎందుకు చెయ్యరు? సంక్రాంతి మూడు రోజుల పండుగ. ఈ సమయంలో కుటుంబసభ్యులతో సమయం గడపడం, ఆనందంగా వేడుకలు జరపడం జరుగుతుంది. కనుమ రోజు, ఎవరైనా ప్రయాణం చేస్తే, ఆ ఆనందాన్ని కోల్పోతారని పెద్దలు చెబుతుంటారు. అందుకే, “కనుమ రోజు కాకి కూడా కదలదు” అనే సామెత వచ్చింది.
ఇంకా, ఈ రోజున ప్రయాణం చేస్తే, పని పూర్తికాదని, ఆటంకాలు తప్పవని నమ్మకం కూడా ప్రజలలో ఉంది. అందుకే చాలామంది కనుమ రోజున ఎట్టిపరిస్థితుల్లోనూ ప్రయాణాలు చెయ్యరు.
కనుమ పండుగ 2025 తేదీ (Kanuma Festival 2025 Date)
కనుమ పండుగ సమయం:
కనుమ పండుగ, బుధవారం, జనవరి 15, 2025
Related Posts
