శాస్త్రదృష్టిలో పుష్కరమనగా-
- “పుష్పతీతి పుష్కరమ్” – అవకాశమిచ్చి రక్షించునది.
- పుష్కం (పోషణం) రాతీతి (ఆ దత్త ఇతి) పుష్కరమ్ – మంచి పోషణనిచ్చునది.
- ‘శ్రాంతం పుష్ణాతీతి పుష్కరమ్’ – బడలినవానిని అనగా సౌమ్మసిల్లినవానిని కాపాడునది.
- పోషయతీతి పుష్కరమ్ – అన్నివేళల పోషించునది.
- పుష్టికరోతీతి పుష్కరమ్ – పుష్టిని ఇచ్చునది.
పుష్కరాలలో పుష్కరస్నానము పుష్టినిచ్చును. ఆరోగ్యము నిచ్చును. పితృతర్పణము వలన సంతానమునకు క్షేమము. పుష్కరాలలో తర్పణము, శ్రాద్దాదులవలన పితరులు, దేవతలు, ఋషులు, తృప్తిచెంది, ప్రీతిచెంది, మనలను ప్రధానంగా మన సంతానముయొక్క యోగక్షేమముల బాధ్యతవహిస్తారు. మనను తృప్తిపరుస్తారు.
