Bathukamma 2023
1బతుకమ్మ
ఆశ్వయుజ మాసం ఆరంభం అమావాస్య రోజు నుంచి బతుకమ్మ వేడుకలను 9 రోజులపాటు ఎంతో ఉత్సాహంగా జరుపుకుంటారు. తొమ్మిది రోజులు జరుపుకునే ఈ పండుగ వేడుకలో ఒక్క రోజు మినహా మిగిలిన ఎనిమిది రోజులు ఒక్కో రకమైన నైవేద్యంతో బతుకమ్మకు సమర్పిస్తారు.
బతుకమ్మ.. తెలంగాణ సంస్కృతి సంప్రదాయాలతో ముడిపడి ఉన్న పండుగ. భాద్రపద అమావాస్య రోజున ఎంగిలిపూల బతుకమ్మ పేరుతో మొదలయ్యే వేడుకలు.. దసరా మరుసటి రోజు వరకు అంగరంగ వైభవంగా జరుగుతాయి. సద్దుల పండుగతో ముగుస్తాయి. బతుకమ్మ వేడుకల్లో పిల్లా పాపలు.. మహిళలు.. యువతులు చేసే సందడే వేరు. ఆటపాటలతో తామంతా ఒక్కటే అనే భావనతో ఆడిపాడుతారు. కొత్తబట్టలు.. కోలాటాలతో తొలి రోజు నుంచి చివరి రోజు వరకు ఆడపడుచులు చేసే సండది అంతాఇంత కాదు. ఇక బతుకమ్మలో ప్రధాన ఆకర్షణగా నిలిచేవి తీరొక్క పూలు. బంతి, చామంతి, గునుగు, తంగేడు, గులాబీ.. ఒక్కటేంటి… ప్రకృతిలో లభించే పూలతో అందంగా అలంకరించి బతుకమ్మ వేడుకల్లో పాల్గొంటారు. రోజుకో రకమైన పూలతో అలకంరిస్తూ వేడుకలు నిర్వహిస్తారు.
ప్రజల జీవనంలో భాగమైపోయిన బతుకమ్మ ఇక.. ఖండాంతరాలకు విస్తరించి తెలంగాణ సంస్కృతిని విశ్వవ్యాపితం చేసింది. భావం..అర్ధం..శబ్దం ఏకంగా ప్రతిధ్వనించే అలాంటి అద్భుత..అద్వితీయ దృశ్యమే ..బతుకమ్మ మహోత్సవం. దేవుళ్లను పూలతో పూజిస్తారు ఎవరైనా..కానీ పూలనే దైవంగా కొలిచే తెలంగాణ సంస్కృతి యావత్‌ ప్రపంచం జయహో అంటోంది.
ఆశ్వయుజ మాసం ఆరంభం అమావాస్య రోజు నుంచి బతుకమ్మ వేడుకలను 9 రోజులపాటు ఎంతో ఉత్సాహంగా జరుపుకుంటారు. ఈ తొమ్మిది రోజులు తెలంగాణలో ఆడపడుచులు రోజుకో రూపంలో బతుకమ్మను కొలుస్తారు. సంస్కృతి, సాంప్రదాయాలకు ప్రతీకగా నిలిచేది బతుకమ్మ పండుగ, ఆడపడుచులు అంతా సంబరంగా జరుపుకునే వేడుక.
మరిన్ని వివరాల కోసం తరువాతి పేజీలో చూడండి.
