వినాయక చవితి పూజలో వాడే 21 పుజా పత్రాలు & విశిష్ఠత | Vinayaka Chavithi 21 Patri Names in Telugu

ప్రతి సంవత్సరం భాద్రపద శుక్ల చతుర్థి రోజు మొదలు అనంత పద్మనాభ చతుర్దశి వరకు యావత్ భారతదేశంలో గణపతి నవరాత్రి ఉత్సవాలు వైభవంగా జరుగుతాయి. ప్రతి ఇంటా వినాయక విగ్రహాలు ప్రతిష్టించి, వారి వారి ఆచార వ్యవహారాలకు అనుగుణంగా పూజా కార్యక్రమాలు నిర్వహించి, అనంత పద్మనాభ చతుర్ధశి నాడు జల నిమజ్జనం చేయడం మన ఆచారం.

వినాయక చవితి రోజున, గణేషుడుని 21 రకాల ఆకులతో ఎందుకు పూజిస్తారు? (Why is Lord Ganesha Worshiped With 21 Types of Leaves on Vinayaka Chavthi?)

వినాయక చవితి వ్రతంలో ఏకవింశతి పత్రపూజ (21 రకముల పత్రాలతో పూజించే విధానం) విశిష్టమైనది. ఒక్కొక్క నామమును స్మరిస్తూ ప్రత్యేక పత్రములతో గణపతిని పూజిస్తాం. ఈ పూజకు ఉపయోగించే పత్రాల్లో అనేక భౌతికమైన, ఆరోగ్యపరమైన ప్రయోజనాలే కాకుండా ఎన్నో దైవీపరమైన రహస్యాలు దాగి ఉన్నాయి. సూక్ష్మప్రపంచంలో దాగి ఉన్న అద్భుతశక్తులు ఈ పత్రపూజ ద్వారా మానవాళికి శుభాలను కలుగజేస్తాయి.

మహోత్కృష్టమైన హిందూధర్మంలో ఋషులు ఓషధులను, మూలికలను పూజా ద్రవ్యాలుగా, యజ్ఞ యాగాది క్రతువులలో సమిధలుగా చెప్పారు. అటువంటి వాటి వాటి తో పూజలు, యజ్ఞ యాగాదుల నాచరించి ఐహికామప్మిక సద్దతులను పొందవచ్చు.

ఈ పూజలో ఉపయోగించే 21 పత్రములను గుర్తించలేక కొందరు, వాటిని సంగ్రహించలేక కొందరు ఆ రోజు అంగడిలో లభించే పత్రాలతో, అక్షతలతో పూజా కార్యక్రమం పూర్తి చేస్తున్నారు. వినాయక చతుర్థి పర్వదినాన్ని పురస్కరించుకుని ఈ పత్రాల వివరణ, వాటి చిత్రపటములు మరియు వాటి విశేష ప్రాధాన్యత హరి ఓం మరియు ఋషిపీఠం పాఠకులకు ప్రత్యేకం. మరిన్ని వివరాల కోసం తరువాతి పేజీలో చూడండి.