Kamasikashtakam Lyrics in Telugu | కామాసికాష్టకం

0
110
Kamasikashtakam Lyrics in Telugu
Kamasikashtakam Lyrics With Meaning in Telugu PDF

Kamasikashtakam Lyrics in Telugu

కామాసికాష్టకం

శ్రుతీనాముత్తరం భాగం వేగవత్యాశ్చ దక్షిణమ్ |
కామాదధివసన్ జీయాత్ కశ్చిదద్భుత కేసరీ || ౧ ||

తపనేంద్వగ్నినయనః తాపానపచినోతు నః |
తాపనీయరహస్యానాం సారః కామాసికా హరిః || ౨ ||

ఆకంఠమాదిపురుషం
కంఠీరవముపరి కుంఠితారాతిమ్ |
వేగోపకంఠసంగాత్
విముక్తవైకుంఠబహుమతిముపాసే || ౩ ||

బంధుమఖిలస్య జంతోః
బంధురపర్యంకబంధరమణీయమ్ |
విషమవిలోచనమీడే
వేగవతీపుళినకేళినరసింహమ్ || ౪ ||

స్వస్థానేషు మరుద్గణాన్ నియమయన్ స్వాధీనసర్వేంద్రియః
పర్యంకస్థిరధారణా ప్రకటితప్రత్యఙ్ముఖావస్థితిః |
ప్రాయేణ ప్రణిపేదుషః ప్రభురసౌ యోగం నిజం శిక్షయన్
కామానాతనుతాదశేషజగతాం కామాసికా కేసరీ || ౫ ||

వికస్వరనఖస్వరుక్షతహిరణ్యవక్షఃస్థలీ-
-నిరర్గలవినిర్గలద్రుధిరసింధుసంధ్యాయితాః |
అవంతు మదనాసికామనుజపంచవక్త్రస్య మాం
అహంప్రథమికామిథః ప్రకటితాహవా బాహవః || ౬ ||

సటాపటలభీషణే సరభసాట్టహాసోద్భటే
స్ఫురత్ క్రుధిపరిస్ఫుట భ్రుకుటికేఽపి వక్త్రే కృతే |
కృపాకపటకేసరిన్ దనుజడింభదత్తస్తనా
సరోజసదృశా దృశా వ్యతివిషజ్య తే వ్యజ్యతే || ౭ ||

త్వయి రక్షతి రక్షకైః కిమన్యై-
-స్త్వయి చారక్షతి రక్షకైః కిమన్యైః |
ఇతి నిశ్చితధీః శ్రయామి నిత్యం
నృహరే వేగవతీతటాశ్రయం త్వామ్ || ౮ ||

ఇత్థం స్తుతః సకృదిహాష్టభిరేష పద్యైః
శ్రీవేంకటేశరచితైస్త్రిదశేంద్రవంద్యః |
దుర్దాంతఘోరదురితద్విరదేంద్రభేదీ
కామాసికానరహరిర్వితనోతు కామాన్ || ౯ ||

ఇతి శ్రీవేదాంతదేశికకృతం కామాసికాష్టకమ్ |

Lord Lakshmi Narasimha Swamy Related Stotras

Sri Nava Narasimha Mangala Shlokah Lyrics in Telugu | శ్రీ నవనారసింహ మంగళశ్లోకాః

Sri Narahari Ashtakam Lyrics in Telugu | శ్రీ నరహర్యష్టకం

Sri Ghatikachala Yoga Narasimha Mangalam in Telugu | శ్రీ ఘటికాచల యోగనృసింహ మంగళం

శ్రీ నృసింహ అష్టోత్తర శతనామావళిః – Sri Narasimha Ashtottara Satanamavali in Telugu

శ్రీ నృసింహ అష్టోత్తర శతనామ స్తోత్రం – Sri Narasimha Ashtottara Shatanama Stotram in Telugu

Sri Lakshmi Nrusimha Karavalamba Stotram | శ్రీ లక్ష్మీనృసింహ కరావలంబ స్తోత్రం

Sri Ahobala Narasimha Stotram | శ్రీ అహోబల నృసింహ స్తోత్రం

ఋణ విమోచన నృసింహ స్తోత్రం | Sri Narasimha Runa Vimochana Stotram

శ్రీ నృసింహాష్టకం