Keelaka Stotram Lyrics in Telugu
ఓం నమశ్చండికాయై |
మార్కండేయ ఉవాచ |
ఓం విశుద్ధజ్ఞానదేహాయ త్రివేదీదివ్యచక్షుషే |
శ్రేయఃప్రాప్తినిమిత్తాయ నమః సోమార్ధధారిణే || ౧ ||
సర్వమేతద్విజానీయాన్మంత్రాణామపి కీలకమ్ |
సోఽపి క్షేమమవాప్నోతి సతతం జప్యతత్పరః || ౨ ||
సిద్ధ్యంత్యుచ్చాటనాదీని కర్మాణి సకలాన్యపి |
ఏతేన స్తువతాం దేవీం స్తోత్రవృందేన భక్తితః || ౩ ||
న మంత్రో నౌషధం తస్య న కించిదపి విద్యతే |
వినా జప్యేన సిద్ధ్యేత్తు సర్వముచ్చాటనాదికమ్ || ౪ ||
సమగ్రాణ్యపి సేత్స్యన్తి లోకశంకామిమాం హరః |
కృత్వా నిమంత్రయామాస సర్వమేవమిదం శుభమ్ || ౫ ||
స్తోత్రం వై చండికాయాస్తు తచ్చ గుహ్యం చకార సః |
సమాప్నోతి స పుణ్యేన తాం యథావన్నిమంత్రణామ్ || ౬ ||
సోఽపి క్షేమమవాప్నోతి సర్వమేవ న సంశయః |
కృష్ణాయాం వా చతుర్దశ్యామష్టమ్యాం వా సమాహితః || ౭ ||
దదాతి ప్రతిగృహ్ణాతి నాన్యథైషా ప్రసీదతి |
ఇత్థం రూపేణ కీలేన మహాదేవేన కీలితమ్ || ౮ ||
యో నిష్కీలాం విధాయైనాం చండీం జపతి నిత్యశః |
స సిద్ధః స గణః సోఽథ గంధర్వో జాయతే ధ్రువమ్ || ౯ ||
న చైవాపాటవం తస్య భయం క్వాపి న జాయతే |
నాపమృత్యువశం యాతి మృతే చ మోక్షమాప్నుయాత్ || ౧౦ ||
జ్ఞాత్వా ప్రారభ్య కుర్వీత హ్యకుర్వాణో వినశ్యతి |
తతో జ్ఞాత్వైవ సంపూర్ణమిదం ప్రారభ్యతే బుధైః || ౧౧ ||
సౌభాగ్యాది చ యత్కించిద్ దృశ్యతే లలనాజనే |
తత్సర్వం తత్ప్రసాదేన తేన జప్యమిదం శుభమ్ || ౧౨ ||
శనైస్తు జప్యమానేఽస్మిన్ స్తోత్రే సమ్పత్తిరుచ్చకైః |
భవత్యేవ సమగ్రాపి తతః ప్రారభ్యమేవ తత్ || ౧౩ ||
ఐశ్వర్యం తత్ప్రసాదేన సౌభాగ్యారోగ్యమేవ చ |
శత్రుహానిః పరో మోక్షః స్తూయతే సా న కిం జనైః || ౧౪ ||
చండికాం హృదయేనాపి యః స్మరేత్ సతతం నరః |
హృద్యం కామమవాప్నోతి హృది దేవీ సదా వసేత్ || ౧౫ ||
అగ్రతోఽముం మహాదేవకృతం కీలకవారణమ్ |
నిష్కీలంచ తథా కృత్వా పఠితవ్యం సమాహితైః || ౧౬ ||
ఇతి శ్రీభగవత్యాః కీలకస్తోత్రం సమాప్తమ్ ||Download PDF Kilaka Stotram – కీలకస్తోత్రం
Download PDF Kilaka Stotram – కీలకస్తోత్రం
Related Posts
శ్రీ దుర్గా స్తోత్రం (అర్జున కృతం) – Sri Durga Stotram (Arjuna Krutam) in Telugu
శ్రీ దుర్గాష్టోత్తరశతనామావళిః 2 – Sri Durga Ashttotara satanamavali 2 in Telugu
శ్రీ దుర్గాష్టోత్తరశతనామస్తోత్రం – 1 – Sri Durga Ashtottara Shatanama Stotram 1 in Telugu
అపరాధక్షమాపణస్తోత్రం – Shri Durga Saptashati – Aparadha Kshamapana Stotram in Telugu
శ్రీ దుర్గాష్టోత్తరశతనామావళిః 1 – Sri Durga Ashtottara satanamavali 1 in Telugu
శ్రీ దుర్గాష్టోత్తర శతనామస్తోత్రం – Sri Durga Ashtottara Shatanama Stotram in Telugu
దుర్గాద్వాత్రింశన్నామావళి – Durga Dvatrimshannamavali in Telugu
