Lankeshwara Krita Shiva Stuti Lyrics in Telugu | శ్రీ శివ స్తుతిః (లంకేశ్వర కృతమ్)

0
116
Lankeshwara Krita Shiva Stuti Lyrics in Telugu
Lankeshwara Krita Shiva Stuti Lyrics With Meaning in Telugu PDF Download

Lankeshwara Krita Shiva Stuti Lyrics in Telugu

శ్రీ శివ స్తుతిః (లంకేశ్వర కృతమ్)

గలే కలితకాలిమః ప్రకటితేన్దుఫాలస్థలే
వినాటితజటోత్కరం రుచిరపాణిపాథోరుహే |
ఉదఞ్చితకపాలజం జఘనసీమ్ని సన్దర్శిత
ద్విపాజినమనుక్షణం కిమపి ధామ వన్దామహే || ౧ ||

వృషోపరి పరిస్ఫురద్ధవలదామధామశ్రియా
కుబేరగిరి-గౌరిమప్రభవగర్వనిర్వాసి తత్ |
క్వచిత్పునరుమా-కుచోపచితకుఙ్కుమై రఞ్జితం
గజాజినవిరాజితం వృజినభఙ్గబీజం భజే || ౨ ||

ఉదిత్వర-విలోచనత్రయ-విసృత్వరజ్యోతిషా
కలాకరకలాకర-వ్యతికరేణ చాహర్నిశమ్ |
వికాసిత జటాటవీ విహరణోత్సవప్రోల్లస-
త్తరామర తరఙ్గిణీ తరల-చూడమీడే మృడమ్ || ౩ ||

విహాయ కమలాలయావిలసితాని విద్యున్నటీ-
విడంబనపటూని మే విహరణం విధత్తాం మనః |
కపర్దిని కుముద్వతీరమణఖణ్డచూడామణౌ
కటీ తటపటీ భవత్కరటిచర్మణి బ్రహ్మణి || ౪ ||

భవద్భవనదేహలీ-వికటతుణ్డ-దణ్డాహతి
త్రుటన్ముకుటకోటిభి-ర్మఘవదాదిభిర్భూయతే |
వ్రజేమ భవదన్తికం ప్రకృతిమేత్య పైశాచకీం
కిమిత్యమరసమ్పదః ప్రమథనాథ నాథామహే || ౫ ||

త్వదర్చనపరాయణ-ప్రమథకన్యకాలుణ్ఠిత
ప్రసూనసఫలద్రుమం కమపి శైలమాశాన్మహే |
అలం తటవితర్దికాశయితసిద్ధ-సీమన్తినీ
ప్రకీర్ణ సుమనోమనో-రమణమేరుణామేరుణా || ౬ ||

న జాతు హర యాతు మే విషయదుర్విలాసం మనో
మనోభవకథాస్తు మే న చ మనోరథాతిథ్యభూః |
స్ఫురత్సురతరఙ్గిణీ-తటకుటీరకోటా వస-
న్నయే శివ దివానిశం తవ భవాని పూజాపరః || ౭ ||

విభూషణ సురాపగా శుచితరాలవాలావలీ-
వలద్బహలసీకర-ప్రకరసేకసంవర్ధితా |
మహేశ్వర సురద్రుమస్ఫురిత-సజ్జటామఞ్జరీ
నమజ్జనఫలప్రదా మమ ను హన్త భూయాదియమ్ || ౮ ||

బహిర్విషయసఙ్గతి-ప్రతినివర్తితాక్షాపలే-
స్సమాధికలితాత్మనః పశుపతేరశేషాత్మనః |
శిరస్సురసరిత్తటీ-కుటిలకల్పకల్పద్రుమం
నిశాకర కలామహం వటువిమృష్యమాణాం భజే || ౯ ||

త్వదీయ సురవాహినీ విమలవారిధారావల-
జ్జటాగహనగాహినీ మతిరియం మమ క్రామతు |
సురోత్తమసరిత్తటీ-విటపితాటవీ ప్రోల్లస-
త్తపస్వి-పరిషత్తులామమల మల్లికాభ ప్రభో || ౧౦ ||

ఇతి శ్రీలంకేశ్వరవిరచిత శివస్తుతిః ||

Lord Shiva Related Stotras

Deva Krita Shiva Stotram Lyrics in Telugu | శ్రీ శివ స్తోత్రం (దేవ కృతం)

Indra Krita Shiva Stuti Lyrics in Telugu | శ్రీ శివ స్తుతిః (ఇంద్రాది కృతమ్)

Andhaka Krita Shiva Stuti Lyrics in Telugu | శ్రీ శివ స్తుతిః (అంధక కృతం)

Baneshwara Kavacha Sahita Shiva Stavaraja in Telugu | శ్రీ శివ స్తవరాజః (బాణేశ్వర కవచ సహితం)

Rati Devi Krita Shiva Stotram Lyrics in Telugu | శ్రీ శివ స్తోత్రమ్ (రతిదేవి కృతమ్)

Himalaya Krita Shiva Stotram Lyrics in Telugu | శ్రీ శివ స్తోత్రం (హిమాలయ కృతం)

Sri Chidambareswara Stotram in Telugu | శ్రీ చిదంబరేశ్వర స్తోత్రం

Sri Chidambara Ashtakam Lyrics in Telugu | శ్రీ చిదంబరాష్టకం

Sri Chidambara Panchachamara Stotram in Telugu | శ్రీ చిదంబర పంచచామర స్తోత్రం

Sri Nateshwara Bhujanga Stuti Lyrics in Telugu | శ్రీ నటేశ్వర భుజంగ స్తుతిః

Sri Natesha Stava Lyrics in Telugu | శ్రీ నటేశ స్తవః