Nama ramayana

0
851
Nama ramayana

rāma rāma jaya rājārāma |
rāma rāma jaya sītārāma |

bālakāṇḍamu-
śuddhabrahmaparātpara rāma | kālātmakaparamēśvara rāma |
śēṣatalpasukhanidrita rāma | brahmādyamaraprārthita rāma |
caṇḍakiraṇakulamaṇḍana rāma | śrīmaddaśarathanandana rāma |
kausalyāsukhavardhana rāma | viśvāmitrapriyadhana rāma |
ghōratāṭakāghātuka rāma | mārīcādinipātaka rāma |
kauśikamakhasaṁrakṣaka rāma | śrīmadahalyōddhāraka rāma |
gautamamunisampūjita rāma | suramunivaragaṇasaṁstuta rāma |
nāvikadhāvikamr̥dupada rāma | mithilāpurajanamōhaka rāma |
vidēhamānasarañjaka rāma | tryambakakārmukabhañjaka rāma |
sītārpitavaramālika rāma | kr̥tavaivāhikakautuka rāma |
bhārgavadarpavināśaka rāma | śrīmadayōdhyāpālaka rāma |

ayōdhyākāṇḍamu-
agaṇitaguṇagaṇabhūṣita rāma | avanītanayākāmita rāma |
rākācandrasamānana rāma | pitr̥vākyāśritakānana rāma |
priyaguhavinivēditapada rāma | prakṣālitanijamr̥dupada rāma |
bharadvājamukhānandaka rāma | citrakūṭādrinikētana rāma |
daśarathasantatacintita rāma | kaikēyītanayārpita rāma |
viracitanijapitr̥karmaka rāma | bharatārpitanijapāduka rāma |

araṇyakāṇḍamu-
daṇḍakāvanajanapāvana rāma | duṣṭavirādhavināśana rāma |
śarabhaṅgasutīkṣṇārcita rāma | agastyānugrahavardhita rāma |
gr̥dhrādhipasaṁsēvita rāma | pañcavaṭītaṭasusthita rāma |
śūrpaṇakhārtividhāyaka rāma | kharadūṣaṇamukhasūdaka rāma |
sītāpriyahariṇānuga rāma | mārīcārtikr̥tāśuga rāma |
vinaṣṭasītānvēṣaka rāma | gr̥dhrādhipagatidāyaka rāma |
śabarīdattaphalāśana rāma | kabandhabāhucchēdana rāma |

kiṣkindhākāṇḍamu-
hanumatsēvitanijapada rāma | natasugrīvābhīṣṭada rāma |
garvitavālisaṁhāraka rāma | vānaradūtaprēṣaka rāma |
hitakaralakṣmaṇasamyuta rāma |

sundarakāṇḍamu-
kapivarasantatasaṁsmr̥ta rāma | tadgativighnadhvaṁsaka rāma |
sītāprāṇādhāraka rāma | duṣṭadaśānanadūṣita rāma |
śiṣṭahanūmadbhūṣita rāma | sītavēditakākāvana rāma |
kr̥tacūḍāmaṇidarśana rāma | kapivaravacanāśvāsita rāma |

yuddhakāṇḍamu-
rāvaṇanidhanaprasthita rāma | vānarasainyasamāvr̥ta rāma |
śōṣitaśaradīśārthita rāma | vibhīṣaṇābhayadāyaka rāma |
parvatasētunibandhaka rāma | kumbhakarṇaśiraśchēdaka rāma |
rākṣasasaṅghavimardhaka rāma | ahimahirāvaṇacāraṇa rāma |
saṁhr̥tadaśamukharāvaṇa rāma | vidhibhavamukhasurasaṁstuta rāma |
khaḥsthitadaśarathavīkṣita rāma | sītādarśanamōdita rāma |
abhiṣiktavibhīṣaṇavandita rāma | puṣpakayānārōhaṇa rāma |
bharadvājābhiniṣēvaṇa rāma | bharataprāṇapriyakara rāma |
sākētapurībhūṣaṇa rāma | sakalasvīyasamānasa rāma |
ratnalasatpīṭhasthita rāma | paṭṭābhiṣēkālaṅkr̥ta rāma |
pārthivakulasammānita rāma | vibhīṣaṇārpitaraṅgaka rāma |
kīśakulānugrahakara rāma | sakalajīvasaṁrakṣaka rāma |
samastalōkōddhāraka rāma |

uttarakāṇḍamu-
āgatamunigaṇasaṁstuta rāma | viśrutadaśakaṇṭhōdbhava rāma |
sitāliṅgananirvr̥ta rāma | nītisurakṣitajanapada rāma |
vipinatyājitajanakaja rāma | kāritalavaṇāsuravadha rāma |
svargataśambukasaṁstuta rāma | svatanayakuśalavanandita rāma |
aśvamēdhakratudikṣita rāma | kālānivēditasurapada rāma |
āyōdhyakajanamuktida rāma | vidhimukhavibhudānandaka rāma |
tējōmayanijarūpaka rāma | saṁsmr̥tibandhavimōcaka rāma |
dharmasthāpanatatpara rāma | bhaktiparāyaṇamuktida rāma |
sarvacarācarapālaka rāma | sarvabhavāmayavāraka rāma |
vaikuṇṭhālayasaṁsthita rāma | nityanandapadastita rāma |

maṅgalaṁ-
bhayahara maṅgala daśaratha rāma | jaya jaya maṅgala sītā rāma |
maṅgalakara jaya maṅgala rāma | saṅgataśubhavibhavōdaya rāma |
ānandāmr̥tavarṣaka rāma | āśritavatsala jaya jaya rāma |
raghupati rāghava rājā rāma | patitapāvana sītā rāma |

Download PDF here Nama ramayana

LEAVE A REPLY

Please enter your comment!
Please enter your name here