Narayaneeyam Dasakam 41 Lyrics in Telugu | నారాయణీయం ఏకచత్వారింశదశకం

0
65
Narayaneeyam Dasakam 41 Lyrics in Telugu PDF
Narayaneeyam Dasakam 41 Lyrics With Meaning in Telugu PDF

Narayaneeyam Dasakam 41 Lyrics in Telugu PDF

నారాయణీయం ఏకచత్వారింశదశకం

ఏకచత్వారింశదశకమ్ (౪౧) – పూతనాదహనం తథా కృష్ణలాలనాహ్లాదమ్ |

వ్రజేశ్వరః శౌరివచో నిశమ్య సమావ్రజన్నధ్వని భీతచేతాః |
నిష్పిష్టనిశ్శేషతరుం నిరీక్ష్య కఞ్చిత్పదార్థం శరణం గతస్త్వామ్ || ౪౧-౧ ||

నిశమ్య గోపీవచనాదుదన్తం సర్వేఽపి గోపా భయవిస్మయాన్ధాః |
త్వత్పాతితం ఘోరపిశాచదేహం దేహుర్విదూరేఽథ కుఠారకృత్తమ్ || ౪౧-౨ ||

త్వత్పీతపూతస్తనతచ్ఛరీరా-త్సముచ్చలన్నుచ్చతరో హి ధూమః |
శఙ్కామధాదాగరవః కిమేష కిం చాన్దనో గౌల్గులవోఽథవేతి || ౪౧-౩ ||

మదఙ్గసఙ్గస్య ఫలం న దూరే క్షణేన తావద్భవతామపి స్యాత్ |
ఇత్యుల్లపన్వల్లవతల్లజేభ్యస్త్వం పూతనామాతనుథాస్సుగన్ధిమ్ || ౪౧-౪ ||

చిత్రం పిశాచ్యా న హతః కుమారశ్చిత్రం పురైవాకథి శౌరిణేదమ్ |
ఇతి ప్రశంసన్కిల గోపలోకో భవన్ముఖాలోకరసే న్యమాఙ్క్షీత్ || ౪౧-౫ ||

దినే దినేఽథ ప్రతివృద్ధలక్ష్మీరక్షీణమాఙ్గల్యశతో వ్రజోఽయమ్ |
భవన్నివాసాదయి వాసుదేవ ప్రమోదసాన్ద్రః పరితో విరేజే || ౪౧-౬ ||

గృహేషు తే కోమలరూపహాసమిథః కథాసఙ్కులితాః కమన్యః |
వృత్తేషు కృత్యేషు భవన్నిరీక్షాసమాగతాః ప్రత్యహమత్యనన్దన్ || ౪౧-౭ ||

అహో కుమారో మయి దత్తదృష్టిః స్మితం కృతం మాం ప్రతి వత్సకేన |
ఏహ్యేహి మామిత్యుపసార్య పాణిం త్వయీశ కిం కిం న కృతం వధూభిః || ౪౧-౮ ||

భవద్వపుఃస్పర్శనకౌతుకేన కరాత్కరం గోపవధూజనేన |
నీతస్త్వమాతామ్రసరోజమాలా-వ్యాలంబిలోలంబతులామలాసీః || ౪౧-౯ ||

నిపాయయన్తీ స్తనమఙ్కగం త్వాం విలోకయన్తీ వదనం హసన్తీ |
దశాం యశోదా కతమాన్న భేజే స తాదృశః పాహి హరే గదాన్మామ్ || ౪౧-౧౦ ||

ఇతి ఏకచత్వారింశదశకం సమాప్తమ్ |

Sri Narayaneeyam Dasakam Related Stotras

Narayaneeyam Dasakam 42 Lyrics in Telugu | నారాయణీయం ద్విచత్వారింశదశకం

Narayaneeyam Dasakam 40 Lyrics in Telugu | నారాయణీయం చత్వారింశదశకం

Narayaneeyam Dasakam 39 Lyrics in Telugu | నారాయణీయం ఏకోనచత్వారింశదశకం

Narayaneeyam Dasakam 38 Lyrics in Telugu | నారాయణీయం అష్టాత్రింశదశకం

Narayaneeyam Dasakam 37 Lyrics in Telugu | నారాయణీయం సప్తత్రింశదశకం

Narayaneeyam Dasakam 36 Lyrics in Telugu | నారాయణీయం షట్త్రింశదశకం

Narayaneeyam Dasakam 35 Lyrics in Telugu | నారాయణీయం పంచత్రింశదశకం

Narayaneeyam Dasakam 34 Lyrics in Telugu | నారాయణీయం చతుస్త్రింశదశకం

Narayaneeyam Dasakam 33 Lyrics in Telugu | నారాయణీయం త్రయస్త్రింశదశకం

Narayaneeyam Dasakam 32 Lyrics in Telugu | నారాయణీయం ద్వాత్రింశదశకం

Narayaneeyam Dasakam 31 Lyrics in Telugu | నారాయణీయం ఏకత్రింశదశకం