Narayaneeyam Dasakam 58 Lyrics in Telugu | నారాయణీయం అష్టపంచశత్తమదశకం

0
65
Narayaneeyam Dasakam 58 Lyrics in Telugu PDF
What are the Narayaneeyam Dasakam 58 Lyrics With Meaning in Telugu PDF to Download?

Narayaneeyam Dasakam 58 Lyrics in Telugu PDF

నారాయణీయం అష్టపంచచశత్తమదశకం

అష్టపఞ్చాశత్తమదశకమ్ (౫౮) – దావాగ్నిసంరక్షణం తథా ఋతువర్ణనమ్ |

త్వయి విహరణలోలే బాలజాలైః ప్రలంబ-
ప్రమథనసవిలంబే ధేనవః స్వైరచారాః |
తృణకుతుకనివిష్టా దూరదూరం చరన్త్యః
కిమపి విపినమైషీకాఖ్యమీషాంబభూవుః || ౫౮-౧ ||

అనధిగతనిదాఘక్రౌర్యవృన్దావనాన్తాత్
బహిరిదముపయాతాః కాననం ధేనవస్తాః |
తవ విరహవిషణ్ణా ఊష్మలగ్రీష్మతాప-
ప్రసరవిసరదంభస్యాకులాః స్తంభమాపుః || ౫౮-౨ ||

తదను సహ సహాయైర్దూరమన్విష్య శౌరే
గలితసరణిముఞ్జారణ్యసఞ్జాతఖేదమ్ |
పశుకులమభివీక్ష్య క్షిప్రమానేతుమారా-
త్వయి గతవతి హీ హీ సర్వతోఽగ్నిర్జజృంభే || ౫౮-౩ ||

సకలహరితి దీప్తే ఘోరభాఙ్కారభీమే
శిఖిని విహతమార్గా అర్ధదగ్ధా ఇవార్తాః |
అహహ భువనబన్ధో పాహి పాహీతి సర్వే
శరణముపగతాస్త్వాం తాపహర్తారమేకమ్ || ౫౮-౪ ||

అలమలమతిభీత్య సర్వతో మీలయధ్వం
భృశమితి తవ వాచా మీలితాక్షేషు తేషు |
క్వను దవదహనోఽసౌ కుత్ర ముఞ్జాటవీ సా
సపది వవృతిరే తే హన్త భణ్డీరదేశే || ౫౮-౫ ||

జయ జయ తవ మాయా కేయమీశేతి తేషాం
నుతిభిరుదితహాసో బద్ధనానావిలాసః |
పునరపి విపినాన్తే ప్రాచరః పాటలాది-
ప్రసవనికరమాత్రగ్రాహ్యఘర్మానుభావే || ౫౮-౬ ||

త్వయి విముఖవిమోచ్చైస్తాపభారం వహన్తం
తవ భజనవదన్తః పఙ్కముచ్ఛోషయన్తమ్ |
తవ భుజవదుదఞ్చద్భూరితేజఃప్రవాహం
తపసమయమనైషీర్యామునేషు స్థలేషు || ౫౮-౭ ||

తదను జలదజాలైస్త్వద్వపుస్తుల్యభాభి-
ర్వికసదమలవిద్యుత్పీతవాసోవిలాసైః |
సకలభువనభాజాం హర్షదాం వర్షవేలాం
క్షితిధరకుహరేషు స్వైరవాసీ వ్యనైషీః || ౫౮-౮ ||

కుహరతలనివిష్టం త్వాం గరిష్ఠం గిరీన్ద్రః
శిఖికులనవకేకాకాకుభిః స్తోత్రకారీ |
స్ఫుటకుటజకదంబస్తోమపుష్పాఞ్జలిం చ
ప్రవిదధదనుభేజే దేవ గోవర్ధనోఽసౌ || ౫౮-౯ ||

అథ శరదముపేతాం తాం భవద్భక్తచేతో-
విమలసలిలపూరాం మానయన్కాననేషు |
తృణమమలవనాన్తే చారు సఞ్చారయన్ గాః
పవనపురపతే త్వం దేహి మే దేహసౌఖ్యమ్ || ౫౮-౧౦ ||

ఇతి అష్టపఞ్చాశత్తమదశకం సమాప్తమ్ |

Sri Narayaneeyam Dasakam Related Stotras

Narayaneeyam Dasakam 59 Lyrics in Telugu | నారాయణీయం ఏకోనషష్టిత్తమదశకం

Narayaneeyam Dasakam 57 Lyrics in Telugu | నారాయణీయం సప్తపంచశత్తమదశకం

Narayaneeyam Dasakam 56 Lyrics in Telugu | నారాయణీయం షట్పంచశత్తమదశకం

Narayaneeyam Dasakam 55 Lyrics in Telugu | నారాయణీయం పంచశత్తమదశకం

Narayaneeyam Dasakam 54 Lyrics in Telugu | నారాయణీయం చతుఃపంచశత్తమదశకం

Narayaneeyam Dasakam 53 Lyrics in Telugu | నారాయణీయం త్రిపంచశత్తమదశకం

Narayaneeyam Dasakam 52 Lyrics in Telugu | నారాయణీయం ద్విపంచశత్తమదశకం

Narayaneeyam Dasakam 51 Lyrics in Telugu | నారాయణీయం ఏకపంచశత్తమదశకం

Narayaneeyam Dasakam 50 Lyrics in Telugu | నారాయణీయం పంచశత్తమదశకం

Narayaneeyam Dasakam 49 Lyrics in Telugu | నారాయణీయం ఏకోనపఞ్చాశత్తమదశకం

Narayaneeyam Dasakam 48 Lyrics in Telugu | నారాయణీయం అష్టచత్వారింశదశకం