Panchayudha Stotram

0
342
Panchayudha Stotram

vishnu stotras / Panchayudha Stotram

sphuratsahasrāraśikhātitīvraṁ sudarśanaṁ bhāskara kōṭitulyaṁ
suradviṣāṁ prāṇavināśi viṣṇōḥ cakraṁ sadā:’haṁ śaraṇaṁ prapadyē || 1 ||

viṣṇōrmukhōtthānila pūritasya yasya dhvanirdānavadarpahantā
taṁ pāñcajanyaṁ śaśikōṭiśubhraṁ śaṅkhaṁ sadā:’haṁ śaraṇaṁ prapadyē || 2 ||

hiraṇmayīṁ mērusamānasārāṁ kōm̐ōdakīṁ daityakulaika hantrīṁ
vaikuṇṭhavāmāgrakarābhimr̥ṣṭāṁ gadāṁ sadā:’haṁ śaraṇaṁ prapadyē || 3 ||

rakṣō:’surāṇāṁ kaṭhinōgrakaṇṭhacchēdakṣarat-kṣōṇitadigdhadāram
taṁ nandakaṁ nāma harēḥ pradīptaṁ khaḍgaṁ sadā:’haṁ śaraṇaṁ prapadyē || 4 ||

yajjyāninādaśravaṇātsurāṇāṁ cētāṁsi nirmuktabhayāni sadyaḥ
bhavanti daityāśanibāṇavarṣaiḥ śārṅgaṁ sadā:’haṁ śaraṇaṁ prapadyē || 5 ||

imaṁ harēḥ pañcamahāyudhānāṁ stavaṁ paṭhēdyō:’nudinaṁ prabhātē
samasta duḥkhāni bhayāni sadyaḥ pāpāni naśyanti sukhāni santi || 6 ||

vanē raṇē śatru jalāgnimadhyē yadr̥cchayāpatsu mahābhayēṣu
idaṁ paṭhan stōtramanākulātmā sukhībhavēt tatkr̥ta sarvarakṣaḥ || 7 ||

yaccakraśaṅkhaṁ gadakhaḍgaśārṅgiṇaṁ pītāmbaraṁ kaustubhavatsalāñchitaṁ
śriyāsamētōjjvalaśōbhitāṅgaṁ viṣṇuṁ sadā:’haṁ śaraṇaṁ prapadyē || 8 ||

jalē rakṣatu vārāhaḥ sthalē rakṣatu vāmanaḥ
aṭavyāṁ nārasiṁhaśkṣca sarvataḥ pātu kēśavaḥ || 9 ||

iti pañcāyudha stōtram ||

Download PDF here Panchayudha Stotram

LEAVE A REPLY

Please enter your comment!
Please enter your name here