Pradoshastotra ashtakam

0
162
Pradoshastotra ashtakam
siva stotras

Pradoshastotra ashtakam / siva stotras

satyaṁ bravīmi paralōkahitaṁ bravrīmi
sāraṁ bravīmyupaniṣaddhr̥dayaṁ bravīmi |
saṁsāramulbaṇamasāramavāpya jantōḥ
sārō:’yamīśvarapadāmburuhasya sēvā || 1 ||

yē nārcayanti giriśaṁ samayē pradōṣē
yē nārcitaṁ śivamapi praṇamanti cānyē |
ētatkathāṁ śrutipuṭairna pibanti mūḍhāstē
janmajanmasu bhavanti narā daridrāḥ || 2 ||

yē vai pradōṣasamayē paramēśvarasya
kurvantyananyamanasōṁ:’ghrisarōjapūjām |
nityaṁ pravr̥ddhadhanadhānyakalatraputra-
saubhāgyasampadadhikāsta ihaiva lōkē || 3 ||

kailāsaśailabhuvanē trijagajjanitrīṁ
gaurīṁ nivēśya kanakāñcitaratnapīṭhē |
nr̥tyaṁ vidhātumabhivāñchati śūlapāṇau
dēvāḥ pradōṣasamayē nu bhajanti sarvē || 4 ||

vāgdēvī dhr̥tavallakī śatamakhō vēṇuṁ dadhatpadmajaḥ
tālōnnidrakarō ramā bhagavatī gēyaprayōgānvitā |
viṣṇuḥ sāndramr̥daṅgavādanapaṭurdēvāḥ samantāt sthitāḥ
sēvantē tamanu pradōṣasamayē dēvaṁ mr̥ḍānīpatim || 5 ||

gandharvayakṣapatagōragasiddhasādhyavidyādharāmaravarāpsarasāṁ gaṇāṁśca |
yē:’nyē trilōkanilayā sahabhūtavargāḥ prāptē pradōṣasamayē harapārśvasaṁsthāḥ || 6 ||

ataḥ pradōṣē śiva ēka ēva pūjyō:’tha nānyē haripadmajādyāḥ |
tasminmahēśē vidhinējyamānē sarvē prasīdanti surādhināthāḥ || 7 ||

ēṣa tē tanayaḥ pūrvajanmani brāhmaṇōttamaḥ |
pratigrahairvayō ninyē na dānādyaiḥ sukarmabhiḥ |
atō dāridryamāpannaḥ putrastē dvijabhāmini |
taddōṣaparihārārthaṁ śaraṇāṁ yātu śaṅkaram || 8 ||

Download PDF here Pradoshastotra ashtakam

 

LEAVE A REPLY

Please enter your comment!
Please enter your name here