Shreyaskari Stotram

Sri Devi Stotras / Shreyaskari Stotram Lyrics

śrēyaskari śramanivāriṇi siddhavidyē
svānandapūrṇahr̥dayē karuṇātanō mē |
cittē vasa priyatamēna śivēna sārdhaṁ
māṅgalyamātanu sadaiva mudaiva mātaḥ || 1 ||

śrēyaskari śritajanōddharaṇaikadakṣē
dākṣāyaṇi kṣapita pātakatūlarāśē |
śarmaṇyapādayugalē jalajapramōdē
mitrētrayī prasr̥marē ramatāṁ manō mē || 2 ||

śrēyaskari praṇatapāmara pāradāna
jñāna pradānasaraṇiśrita pādapīṭhē |
śrēyāṁsi santi nikhilāni sumaṅgalāni
tatraiva mē vasatu mānasarājahaṁsaḥ || 3 ||

śrēyaskarīti tavanāma gr̥ṇāti bhaktyā
śrēyāṁsi tasya sadanē ca karī purastāt |
kiṁ kiṁ na sidhyati sumaṅgalanāma mālāṁ
dhr̥tvā sukhaṁ svapiti śēṣatanau ramēśaḥ || 4 ||

śrēyaskarīti varadēti dayāparēti
vēdōdarēti vidhiśaṅkara pūjitēti |
vāṇīti śambhuramaṇīti ca tāriṇīti
śrīdēśikēndra karuṇēti gr̥ṇāmi nityam || 5 ||

śrēyaskarī prakaṭamēva tavābhidhānaṁ
yatrāsti tatra ravivatprathamānavīryaṁ |
brahmēndrarudramarudādi gr̥hāṇi saukhyaiḥ
pūrṇāni nāmamahimā prathitastrilōkyām || 6 ||

śrēyaskari praṇatavatsalatā tvayīti
vācaṁ śr̥ṇuṣva saralāṁ sarasāṁ ca satyām |
bhaktyā natō:’smi vinatō:’smi sumaṅgalē tvat-
pādāmbujē praṇihitē mayi sannidhatsva || 7 ||

śrēyaskarīcaraṇasēvanatatparēṇa
kr̥ṣṇēna bhikṣuvapuṣā racitaṁ paṭhēdyaḥ |
tasya prasīdati surārivimardanīya-
mambā tanōti sadanēṣu sumaṅgalāni || 8 ||

yathāmati kr̥tastutau mudamupaiti mātā na kiṁ
yathāvi bhavadānatō mudamupaiti pātraṁ na kiṁ |
bhavāni tava saṁstutiṁ viracituṁ nacāhaṁ
kṣamastathāpi mudamēṣyasi pradiśasīṣṭamamba tvarāt || 9 ||

iti śrēyaskarī stōtram ||

Download PDF here Shreyaskari Stotram

Hymns & Stotras

శ్రేయస్కరీ స్తోత్రం – Shreyaskari Stotram in Telugu

Bhavani Bhujanga Prayata Stotram

Sri Tripura Bhairavi Hrudayam – Sri Devi Stotras

Sri Chinnamastha devi stotram

Sri Shashti Devi Stotram

శ్రీ షష్టీ దేవి స్తోత్రం – Sri Shashti Devi Stotram in Telugu

దేవీ ఖడ్గమాలా స్తోత్రం – Devi Khadgamala Stotram in Telugu

Devi Bhujanga Stotram

దేవిభుజంగస్తోత్రం – Devi bhujanga stotram in Telugu

దేవ్యపరాధ క్షమాపణ స్తోత్రం – Devi aparadha kshamapana stotram in Telugu

శ్రీ మానసా దేవి నాగస్తోత్రం | Sri Manasa Devi Nagastotram

త్రిపురసుందరి మానసపుజా స్తోత్రం – Tripurasundari Manasa Puja Stotram in Telugu

శ్రీ లక్ష్మ్యష్టక స్తోత్రం – Sree LaksmyashTaka Stotram in Telugu