2. గరుడ ముద్రను ఎలా వేయాలి..?
- గరుడ ముద్రను నిటారుగా నిలబడి వేయడం సౌకర్యంగా ఉంటుంది.
- చేతులు రెండిటినీ కలపండి.
- కుడి అరచేయి ఛాతీ ఎడమ భాగం వైపు, ఎడమ అరచేయి ఛాతీ కుడి భాగం వైపు ఉండాలి.
- బొటన వేళ్ళు రెండూ లంకె వేసినట్లుగా కలపాలి.
- కుడి చేయి పైన ఉండాలి. (పటం చూడండి)
- ఈ ముద్రను నెమ్మదిగా మీ పొత్తి కడుపు భాగానికి తీసుకుని రావాలి.
- నెమ్మదిగా దీర్ఘంగా ఒక పది సార్లు గాలి పీల్చుకుని వదలాలి.
- ముద్రను మెల్లిగా కాస్త పైకి జరిపి నాభి భాగానికి తీసుకుని రావాలి.
- నాభి భాగం లో ముద్రను ఉంచి, నెమ్మదిగా దీర్ఘంగా ఒక పది సార్లు గాలి పీల్చుకుని వదలాలి.
- తరువాత ముద్రను మరికాస్త పైకి జరిపి పై పొట్ట భాగం దగ్గర ఉంచి, నెమ్మదిగా దీర్ఘంగా ఒక పది సార్లు గాలి పీల్చుకుని వదలాలి.
- చివరగా ఛాతీ మధ్య భాగం లో ముద్రను ఉంచి, నెమ్మదిగా దీర్ఘంగా ఒక పది సార్లు గాలి పీల్చుకుని వదలాలి.
- ఈ ముద్ర సాధన చేస్తున్నప్పుడు మిమ్మల్ని మీరు ఒక శక్తి వంతమైన పక్షిగా, ఆకాశం లో ఎగురుతున్నట్లుగా ఊహించుకోవాలి.
- చెట్లనూ, కొండలనూ మీ శక్తితో దాటుతున్నట్లుగా భావించాలి. స్వచ్చమైన గాలిని మీ లోపలికి ఆహ్వానిస్తూనే మీరు ఆ గాలి లో నేర్పుగా ఎగురుతున్నట్లు భావించాలి.
- ప్రాణాయామం తో కూడిన ముద్ర ఎంత ముఖ్యమో ఆ ముద్ర చేస్తున్నప్పుడు మన మనసులో చేసే భావన అంత ముఖ్యమైనది. పూర్తి ఫలితాన్ని పొందాలంటే ముద్రనూ, ప్రాణాయామాన్నీ, భావననూ తప్పక పాటించాలి.
Promoted Content
