Sri Krishna Ashtottara Shatanama Stotram Lyrics
śrīkr̥ṣṇaḥ kamalānāthō vāsudēvaḥ sanātanaḥ |
vāsudēvātmajaḥ puṇyō līlāmānuṣavigrahaḥ || 1 ||
śrīvatsakaustubhadharō yaśōdāvatsalō hariḥ |
caturbhujāttacakrāsigadāśaṅkhādyudāyudhaḥ || 2 ||
dēvakīnandanaḥ śrīśō nandagōpapriyātmajaḥ |
yamunāvēgasaṁhārī balabhadrapriyānujaḥ || 3 ||
pūtanājīvitaharaḥ śakaṭāsurabhañjanaḥ |
nandavrajajanānandī saccidānandavigrahaḥ || 4 ||
navanītaviliptāṅgō navanītanaṭō:’naghaḥ |
navanītanavāhārō mucukundaprasādakaḥ || 5 ||
ṣōḍaśastrīsahasrēśastribhaṅgī madhurākr̥tiḥ |
śukavāgamr̥tābdhīndurgōvindō yōgināmpatiḥ || 6 ||
vatsavāṭacarō:’nantō dhēnukāsurabhañjanaḥ |
tr̥ṇīkr̥tatr̥ṇāvartō yamalārjunabhañjanaḥ || 7 ||
uttālatālabhēttā ca tamālaśyāmalākr̥tiḥ |
gōpagōpīśvarō yōgī kōṭisūryasamaprabhaḥ || 8 ||
ilāpatiḥ parañjyōtiryādavēndrō yadūdvahaḥ |
vanamālī pītavāsāḥ pārijātāpahārakaḥ || 9 ||
gōvardhanācalōddhartā gōpālaḥ sarvapālakaḥ |
ajō nirañjanaḥ kāmajanakaḥ kañjalōcanaḥ || 10 ||
madhuhā mathurānāthō dvārakānāyakō balī |
br̥ndāvanāntasañcārī tulasīdāmabhūṣaṇaḥ || 11 ||
syamantakamaṇērhartā naranārāyaṇātmakaḥ |
kubjākr̥ṣṇāmbaradharō māyī paramapūruṣaḥ || 12 ||
muṣṭikāsuracāṇūramallayuddhaviśāradaḥ |
saṁsāravairī kaṁsārirmurārirnarakāntakaḥ || 13 ||
anādibrahmacārī ca kr̥ṣṇāvyasanakarṣakaḥ |
śiśupālaśiracchēttā duryōdhanakulāntakaḥ || 14 ||
vidurākrūravaradō viśvarūpapradarśakaḥ |
satyavāk satyasaṅkalpaḥ satyabhāmāratō jayī || 15 ||
subhadrāpūrvajō viṣṇurbhīṣmamuktipradāyakaḥ |
jagadgururjagannāthō vēṇunādaviśāradaḥ || 16 ||
vr̥ṣabhāsuravidhvaṁsī bāṇāsurakarāntakaḥ |
yudhiṣṭhirapratiṣṭhātā barhibarhāvataṁsakaḥ || 17 ||
pārthasārathiravyaktō gītāmr̥tamahōdadhiḥ |
kālīyaphaṇimāṇikyarañjitaśrīpadāmbujaḥ || 18 ||
dāmōdarō yajñabhōktā dānavēndravināśakaḥ |
nārāyaṇaḥ parambrahma pannagāśanavāhanaḥ || 19 ||
jalakrīḍāsamāsaktagōpīvastrāpahārakaḥ |
puṇyaślōkastīrthapādō vēdavēdyō dayānidhiḥ || 20 ||
sarvatīrthātmakaḥ sarvagraharūpī parātparaḥ |
ēvaṁ kr̥ṣṇasya dēvasya nāmnāmaṣṭōttaraṁ śatam || 21 ||
kr̥ṣṇēna kr̥ṣṇabhaktēna śrutvā gītāmr̥taṁ purā |
stōtraṁ kr̥ṣṇapriyakaraṁ kr̥taṁ tasmānmayā purā || 22 ||
kr̥ṣṇanāmāmr̥taṁ nāma paramānandadāyakam |
sarvōpadravaduḥkhaghnaṁ paramāyuṣyavardhanam || 23 ||
dānaṁ śrutaṁ tapastīrthaṁ yatkr̥taṁ tviha janmani |
paṭhatāṁ śr̥ṇvatāṁ caiva kōṭikōṭiguṇaṁ bhavēt || 24 ||
putrapradamaputrāṇāmagatīnāṁ gatipradam |
dhanāvahaṁ daridrāṇāṁ jayēcchānāṁ jayāvaham || 25 ||
śiśūnāṁ gōkulānāṁ ca puṣṭidaṁ puṣṭivardhanam |
vātagrahajvarādīnāṁ śamanaṁ śāntimuktidam || 26 ||
samastakāmadaṁ sadyaḥ kōṭijanmāghanāśanam |
antē kr̥ṣṇasmaraṇadaṁ bhavatāpabhayāpaham || 27 ||
kr̥ṣṇāya yādavēndrāya jñānamudrāya yōginē |
nāthāya rukmiṇīśāya namō vēdāntavēdinē || 28 ||
imaṁ mantraṁ mahādēvi japannēvaṁ divāniśam |
sarvagrahānugrahabhāk sarvapriyatamō bhavēt || 29 ||
putrapautraiḥ parivr̥taḥ sarvasiddhisamr̥ddhimān |
nirviśya bhōgānantēpi kr̥ṣṇasāyujyamāpyunāt || 30 ||
More Vishnu Stotras
Download PDF here Sree krishna ashtottara satanama stotram
Hymns & Stotras
శ్రీ కృష్ణ అష్టోత్తర శతనామవళిః – Sri Krishna Ashtottara Satanamavali
శ్రీ కృష్ణాష్టోత్తరశతనామస్తోత్రం – Sree krishna ashtottara satanama stotram
