Sri Annapurna Ashtottara Shatanama Stotram Lyrics
asya śrī annapūrṇāṣṭōttara śatanāmastōtra mahāmantrasya brahmā r̥ṣiḥ anuṣṭupchandaḥ śrī annapūrṇēśvarī dēvatā svadhā bījaṁ svāhā śaktiḥ ōṁ kīlakaṁ mama sarvābhīṣṭaprasādasiddhyarthē japē viniyōgaḥ |
ōṁ annapūrṇā śivā dēvī bhīmā puṣṭissarasvatī |
sarvajñā pārvatī durgā śarvāṇī śivavallabhā || 1 ||
vēdavēdyā mahāvidyā vidyādātrī viśāradā |
kumārī tripurā bālā lakṣmīśśrīrbhayahāriṇī || 2 ||
bhavānī viṣṇujananī brahmādijananī tathā |
gaṇēśajananī śaktiḥ kumārajananī śubhā || 3 ||
bhōgapradā bhagavatī bhaktābhīṣṭapradāyinī |
bhavarōgaharā bhavyā śubhrā paramamaṅgalā || 4 ||
bhavānī cañcalā gaurī cārucandrakalādharā |
viśālākṣī viśvamātā viśvavandyā vilāsinī || 5 ||
āryā kalyāṇanilayā rudrāṇī kamalāsanā |
śubhapradā śubhā:’nantā vr̥ttapīnapayōdharā || 6 ||
ambā saṁhāramathanī mr̥ḍānī sarvamaṅgalā |
viṣṇusaṁsēvitā siddhā brahmāṇī surasēvitā || 7 ||
paramānandadā śāntiḥ paramānandarūpiṇī |
paramānandajananī parānandapradāyinī || 8 ||
parōpakāraniratā paramā bhaktavatsalā |
pūrṇacandrābhavadanā pūrṇacandranibhāmśukā || 9 ||
śubhalakṣaṇasampannā śubhānandaguṇārṇavā |
śubhasaubhāgyanilayā śubhadā ca ratipriyā || 10 ||
caṇḍikā caṇḍamathanī caṇḍadarpanivāriṇī |
mārtāṇḍanayanā sādhvī candrāgninayanā satī || 11 ||
puṇḍarīkaharā pūrṇā puṇyadā puṇyarūpiṇī |
māyātītā śrēṣṭhamāyā śrēṣṭhadharmātmavanditā || 12 ||
asr̥ṣṭissaṅgarahitā sr̥ṣṭihētu kapardinī |
vr̥ṣārūḍhā śūlahastā sthitisaṁhārakāriṇī || 13 ||
mandasmitā skandamātā śuddhacittā munistutā |
mahābhagavatī dakṣā dakṣādhvaravināśinī || 14 ||
sarvārthadātrī sāvitrī sadāśivakuṭumbinī |
nityasundarasarvāṅgī saccidānandalakṣaṇā || 15 ||
nāmnāmaṣṭōttaraśatamambāyāḥ puṇyakāraṇaṁ |
sarvasaubhāgyasiddhyarthaṁ japanīyaṁ prayatnataḥ || 16 ||
idaṁ japādhikārastu prāṇamēva tatasstutaḥ |
āvahantīti mantrēṇa pratyēkaṁ ca yathākramam || 17 ||
kartavyaṁ tarpaṇaṁ nityaṁ pīṭhamantrēti mūlavat |
tattanmantrētihōmēti kartavyaścēti mālavat || 18 ||
ētāni divyanāmāni śrutvā dhyātvā nirantaram |
stutvā dēvīṁ ca satataṁ sarvānkāmānavāpnuyāt || 19 ||
iti śrī brahmōttarakhaṇḍē āgamaprakhyātiśivarahasyē annapūrṇāṣṭōttara śatanāmastōtram ||
Download PDF here Sri Annapurna Ashtottara Satanama Stotram
Hymns & Stotras
శ్రీ అన్నపూర్ణా అష్టోత్తరశతనామ స్తోత్రం – Sri Annapurna Ashtottara Satanama Stotram in Telugu
శ్రీ అన్నపూర్ణా సహస్రనామ స్తోత్రం | Annapurna Sahasra Nama Stotram
