navagraha stotras | Sri Budha Panchavimsati Nama stotram
budhō buddhimatāṁ śrēṣṭhaḥ buddhidātā dhanapradaḥ |
priyaṅgukalikāśyāmaḥ kañjanētrō manōharaḥ || 1 ||
grahapamō rauhiṇēyaḥ nakṣatrēśō dayākaraḥ |
viruddhakāryahantā ca saumyō buddhivivardhanaḥ || 2 ||
candrātmajō viṣṇurūpī jñānijñō jñānināyakaḥ |
grahapīḍāharō dāraputradhānyapaśupradaḥ || 3 ||
lōkapriyaḥ saumyamūrtiḥ guṇadō guṇivatsalaḥ |
pañcaviṁśatināmāni budhasyaitāni yaḥ paṭhēt || 4 ||
smr̥tvā budhaṁ sadā tasya pīḍā sarvā vinaśyati |
taddinē vā paṭhēdyastu labhatē sa manōgatam || 5 ||
