Sri Datta Prabodha Lyrics In Telugu | శ్రీ దత్త ప్రబోధః

0
76
Sri Datta Prabodha Lyrics In Telugu
Sri Datta Prabodha Lyrics With Meaning In Telugu PDF Download

Sri Datta Prabodha Lyrics In Telugu

శ్రీ దత్త ప్రబోధః

నిత్యో హి యస్య మహిమా న హి మానమేతి
స త్వం మహేశ భగవన్మఘవన్ముఖేడ్య |
ఉత్తిష్ఠ తిష్ఠదమృతైరమృతైరివోక్తై-
-ర్గీతాగమైశ్చ పురుధా పురుధామశాలిన్ || ౧ ||

భక్తేషు జాగృహి ముదాఽహిముదారభావం
తల్పం విధాయ సవిశేషవిశేషహేతో |
యః శేష ఏష సకలః సకలః స్వగీతై-
-స్త్వం జాగృహి శ్రితపతే తపతే నమస్తే || ౨ ||

దృష్ట్వా జనాన్ వివిధకష్టవశాన్ దయాలు-
-స్త్ర్యాత్మా బభూవ సకలార్తిహరోఽత్ర దత్తః |
అత్రేర్మునేః సుతపసోఽపి ఫలం చ దాతుం
బుద్ధ్యస్వ స త్వమిహ యన్మహిమానియత్తః || ౩ ||

ఆయాత్యశేషవినుతోఽప్యవగాహనాయ
దత్తోఽధునేతి సురసింధురపేక్షతే త్వామ్ |
క్షేత్రే తథైవ కురుసంజ్ఞక ఏత్య సిద్ధా-
-స్తస్థుస్తవాచమనదేశ ఇనోదయాత్ప్రాక్ || ౪ ||

సంధ్యాముపాసితమజోఽప్యధునాఽఽగమిష్య-
-త్యాకాంక్షతే కృతిజనః ప్రతివీక్షతే త్వామ్ |
కృష్ణాతటేఽపి నరసింహసువాటికాయాం
సారార్తికః కృతిజనః ప్రతివీక్షతే త్వామ్ || ౫ ||

గాంధర్వసంజ్ఞకపురేఽపి సుభావికాస్తే
ధ్యానార్థమత్ర భగవాన్ సముపైష్యతీతి |
మత్వాస్థురాచరితసన్నియతాప్లవాద్యా
ఉత్తిష్ఠ దేవ భగవన్నత ఏవ శీఘ్రమ్ || ౬ ||

పుత్రీ దివః ఖగగణాన్ సుచిరం ప్రసుప్తాన్
ఉత్పాతయత్యరుణగా అధిరుహ్య తూషాః |
కాషాయవస్త్రమపిధానమపావృణూద్యన్
తార్క్ష్యాగ్రజోఽయమవలోకయ తం పురస్తాత్ || ౭ ||

శాటీనిభాభ్రపటలాని తవేంద్రకాష్ఠా-
-భాగం యతీంద్ర రురుధుర్గరుడాగ్రజోఽతః |
అస్మాభిరీశ విదితో హ్యుదితోఽయమేవం
చంద్రోఽపి తే ముఖరుచిం చిరగాం జహాతి || ౮ ||

ద్వారేఽర్జునస్తవ చ తిష్ఠతి కార్తవీర్యః
ప్రహ్లాద ఏష యదురేష మదాలసాజః |
త్వాం ద్రష్టుకామ ఇతరే మునయోఽపి చాహం
ఉత్తిష్ఠ దర్శయ నిజం సుముఖం ప్రసీద || ౯ ||

ఏవం ప్రబుద్ధ ఇవ సంస్తవనాదభూత్స
మాలాం కమండలుమధో డమరుం త్రిశూలమ్ |
చక్రం చ శంఖముపరి స్వకరైర్దధానో
నిత్యం స మామవతు భావితవాసుదేవః || ౧౦ ||

ఇతి శ్రీవాసుదేవానందసరస్వతీ విరచితం శ్రీ దత్త ప్రబోధః |

Sri Dattatreya Swamy Related Stotras

Sri Dattatreya Pratah Smarana Stotram In Telugu | శ్రీ దత్తాత్రేయ ప్రాతః స్మరణ స్తోత్రం

Sri Datta Paduka Ashtakam In Telugu | శ్రీ దత్త పాదుకాష్టకం (నృసింహవాడీ క్షేత్రే)

Sri Datta Bhava Sudha Rasa Stotram In Telugu | శ్రీ దత్త భావసుధారస స్తోత్రం

Sri Datta Nama Bhajanam In Telugu | శ్రీ దత్త నామ భజనం

Sri Datta Bhava Sudha Rasa Stotram In Telugu | శ్రీ దత్త భావసుధారస స్తోత్రం

Sri Datta Atharvashirsham Lyrics In Telugu | శ్రీ దత్త అథర్వశీర్షం

Avadhuta Gita Lyrics In Telugu | అవధూత గీతా

శ్రీ దత్తాత్రేయ వజ్రకవచం – Sri Dattatreya Vajra Kavacham

Sri Dattatreya Stotram | శ్రీ దత్తాత్రేయ స్తోత్రం, Dattatreya Mantra

శ్రీ దత్త స్తవం – Sri Datta Stavam

Sri Guru Paduka Stotram | శ్రీ గురుపాదుకా స్తోత్రం