Sri Ganadhipa Pancharatnam

0
634
Sri Ganadhipa Pancharatnam
sri ganesh stotras

sri ganesh stotras  / Sri Ganadhipa Pancharatnam

sarāgilōkadurlabhaṁ virāgilōkapūjitaṁ
surāsurairnamaskr̥taṁ jarāpamr̥tyunāśakam |
girā guruṁ śriyā hariṁ jayanti yatpadārcakāḥ
namāmi taṁ gaṇādhipaṁ kr̥pāpayaḥ payōnidhim || 1 ||

girīndrajāmukhāmbuja pramōdadāna bhāskaraṁ
karīndravaktramānatāghasaṅghavāraṇōdyatam |
sarīsr̥pēśa baddhakukṣimāśrayāmi santataṁ
śarīrakānti nirjitābjabandhubālasantatim || 2 ||

śukādimaunivanditaṁ gakāravācyamakṣaraṁ
prakāmamiṣṭadāyinaṁ sakāmanamrapaṅktayē |
cakāsataṁ caturbhujaiḥ vikāsipadmapūjitaṁ
prakāśitātmatattvakaṁ namāmyahaṁ gaṇādhipam || 3 ||

narādhipatvadāyakaṁ svarādilōkanāyakaṁ
jvarādirōgavārakaṁ nirākr̥tāsuravrajam |
karāmbujōllasatsr̥ṇiṁ vikāraśūnyamānasaiḥ
hr̥dāsadāvibhāvitaṁ mudā namāmi vighnapam || 4 ||

śramāpanōdanakṣamaṁ samāhitāntarātmanāṁ
sumādibhiḥ sadārcitaṁ kṣamānidhiṁ gaṇādhipam |
ramādhavādipūjitaṁ yamāntakātmasambhavaṁ
śamādiṣaḍguṇapradaṁ namāmi taṁ vibhūtayē || 5 ||

gaṇādhipasya pañcakaṁ nr̥ṇāmabhīṣṭadāyakaṁ
praṇāmapūrvakaṁ janāḥ paṭhanti yē mudāyutāḥ |
bhavanti tē vidāṁ puraḥ pragītavaibhavājavāt
cirāyuṣō:’dhikaḥ śriyassusūnavō na saṁśayaḥ || 6 ||

Download PDF here Sri Ganadhipa Pancharatnam

LEAVE A REPLY

Please enter your comment!
Please enter your name here