Sri Ganesha Bhujanga Stuti in English | śrī gaṇēśa bhujaṅga stutiḥ

Sri Ganesha Bhujanga Stuti Lyrics in English

śriyaḥ kāryasiddhērdhiyaḥ satsukhardhēḥ
patiṁ sajjanānāṁ gatiṁ dēvatānām |
niyantāramantaḥ svayaṁ bhāsamānaṁ
bhajē vighnarājaṁ bhavānītanūjam || 1 ||

gaṇānāmadhīśaṁ guṇānāṁ sadīśaṁ
karīndrānanaṁ kr̥ttakandarpamānam |
caturbāhuyuktaṁ cidānandasaktaṁ
bhajē vighnarājaṁ bhavānītanūjam || 2 ||

jagatprāṇavīryaṁ janatrāṇaśauryaṁ
surābhīṣṭakāryaṁ sadā:’kṣōbhya dhairyam |
guṇiślāghyacaryaṁ gaṇādhīśavaryaṁ
bhajē vighnarājaṁ bhavānītanūjam || 3 ||

caladvakratuṇḍaṁ caturbāhudaṇḍaṁ
madasrāvigaṇḍaṁ milaccandrakhaṇḍam |
kanaddantakāṇḍaṁ munitrāṇaśauṇḍaṁ
bhajē vighnarājaṁ bhavānītanūjam || 4 ||

nirastāntarāyaṁ paridhvastamāyaṁ
cidānandakāyaṁ sadā matsahāyam |
ajasrānapāyaṁ tvajaṁ cāpramēyaṁ
bhajē vighnarājaṁ bhavānītanūjam || 5 ||

varaṁ cābhayaṁ pāśapustākṣasūtraṁ
sr̥ṇiṁ bījapūraṁ karaiḥ paṅkajaṁ ca |
dadhānaṁ sarōjāsanaṁ śaktiyuktaṁ
bhajē vighnarājaṁ bhavānītanūjam || 6 ||

mahāmūṣakārūḍhamādhāraśaktyā
samārādhitāṅghriṁ mahāmātr̥kābhiḥ |
samāvr̥tya saṁsēvitaṁ dēvatābhiḥ
bhajē vighnarājaṁ bhavānītanūjam || 7 ||

śrutīnāṁ śirōbhiḥ stutaṁ sarvaśaktaṁ
patiṁ siddhibuddhyōrgatiṁ bhūsurāṇām |
surāṇāṁ variṣṭhaṁ gaṇānāmadhīśaṁ
bhajē vighnarājaṁ bhavānītanūjam || 8 ||

gaṇādhīśasāmrājyasiṁhāsanasthaṁ
samārādhyamabjāsanādyaiḥ samastaiḥ |
phaṇābhr̥tsamābaddhatuṇḍaṁ prasannaṁ
bhajē vighnarājaṁ bhavānītanūjam || 9 ||

lasannāgakēyūramañjīrahāraṁ
bhujaṅgādhirājasphuratkarṇapūram |
kanadbhūtirudrākṣaratnādibhūṣaṁ
bhajē vighnarājaṁ bhavānītanūjam || 10 ||

sphuradvyāghracarmōttarīyōpadhānaṁ
turīyādvayātmānusandhāna dhuryam |
tapōyōgivaryaṁ kr̥pōdāracaryaṁ
bhajē vighnarājaṁ bhavānītanūjam || 11 ||

nijajyōtiṣā dyōtayantaṁ samastaṁ
divi jyōtiṣāṁ maṇḍalaṁ cātmanā ca |
bhajadbhaktasaubhāgyasiddhyarthabījaṁ
bhajē vighnarājaṁ bhavānītanūjam || 12 ||

sadāvāsakalyāṇapuryāṁ nivāsaṁ
gurōrājñayā kurvatā bhūsurēṇa |
mahāyōgivēlnāḍusiddhāntinā ya-
-tkr̥taṁ stōtramiṣṭārthadaṁ tatpaṭhadhvam || 13 ||

iti śrīsubrahmaṇyayōgi kr̥ta śrīgaṇēśabhujaṅga stutiḥ |

Lord Ganesh Related Stotras

Sri Ganesha Mahimna Stotram in English | śrī gaṇēśa mahimnaḥ stōtram

Sri Ganesha Vajra Panjara Stotram in English | śrī gaṇēśa vajrapañjara stōtram

Sri Ganesha Bahya Puja in English | śrī gaṇēśa bāhya pūjā

Ganesha Divya Durga Stotram in English | śrī gaṇēśa divyadurga stōtram

Runa Hartru Ganesha Stotram in English | śrī r̥ṇahartr̥ gaṇēśa stōtram

Ucchista Ganapati Stotram in English | ucchiṣṭa gaṇapati stōtram

Runa Vimochana Ganapati Stotram | Runa Vimochana Vinayaka Stotra in English

Sri Ratnagarbha Ganesha Vilasa Stotram / Stuti

Sri Ganesha Ashtottara Shatanama Stotram

Sri Maha Ganapathi Stotram | śrī mahāgaṇapati stōtram

Sri Maha Ganapathi Mangala Malika Stotram