Sri Ganesha Prabhava Stuti

0
89

ōmityādau vēdavidōyaṁ pravadanti
brahmādyāyaṁ lōkavidhānē praṇamanti |
yō:’ntaryāmī prāṇigaṇānāṁ hr̥dayasthaḥ
taṁ vighnēśaṁ duḥkhavināśaṁ kalayāmi || 1 ||

gaṅgā gaurī śaṅkarasantōṣakavr̥ttaṁ
gandharvālīgītacaritraṁ supavitram |
yō dēvānāmādiranādirjagadīśaṁ
taṁ vighnēśaṁ duḥkhavināśaṁ kalayāmi || 2 ||

gacchētsiddhiṁ yanmanujāpī kārẏāṇāṁ
gantāpāraṁ saṁsr̥ti sindhōryadvēttā |
garvagranthēryaḥ kilabhēttā gaṇarājaḥ
taṁ vighnēśaṁ duḥkhavināśaṁ kalayāmi || 3 ||

taṇyētyuccairvarṇa japādau pūjārthaṁ
yadyantrāntaḥpaścimakōṇē nirdiṣṭam |
bījaṁ dhyātuḥ puṣṭidamāthvaraṇavākyaiḥ
taṁ vighnēśaṁ duḥkhavināśaṁ kalayāmi || 4 ||

padbhyāṁ padma śrīmadahr̥dbhyāṁ pratyūṣē
mūlādhārāṁbhōruhabhāsvadbhānubhyām |
yōgī yasya pratyahamajapārpaṇadakṣaḥ
taṁ vighnēśaṁ duḥkhavināśaṁ kalayāmi || 5 ||

tattvaṁ yasya śr̥tiguruvākyairadhigatya
jñānī prārabdhānubhāvantē nijadhāma |
śāntāvidyā tatkr̥tabōdhassvayamīyāt
taṁ vighnēśaṁ duḥkhavināśaṁ kalayāmi || 6 ||

yē yē bhōgā lōkahitārthāssapumārthāḥ
yē yē yōgāḥ sādhyasulōkāḥ sukr̥tārthāḥ |
tē sarvēsyuryanmanu japataḥ puruṣāṇāṁ
taṁ vighnēśaṁ duḥkhavināśaṁ kalayāmi || 7 ||

natvā nityaṁ yasya padābjaṁ muhurarthī
nirdvaitātmā khaṇḍasukhassyāddhatamōhaḥ |
kāmānprāpnōtīti kimāścaryamidānīṁ
taṁ vighnēśaṁ duḥkhavināśaṁ kalayāmi || 8 ||

mastaprōdyaccandrakiśōraṁ karavaktraṁ
pustākṣa srakpāśa sr̥ṇīsphītakarābjam |
śūrpaśrōtraṁ sundaragātraṁ śivaputraṁ
taṁ vighnēśaṁ duḥkhavināśaṁ kalayāmi || 9 ||

siddhāntārthāṁ siddhigaṇēśa stutimēnāṁ
subrahmaṇẏāhvaya sūryuktāṁ manuyuktām |
uktvā śrutvāpēkṣitakāryaṁ nirvighnaṁ
muktvā mōhaṁ bōdhamuvēyāttadbhaktiḥ || 10 ||

iti śrīsubrahmaṇyayōgi viracitā śrīgaṇēśa mantra prabhāva stutiḥ |

Download PDF here Sri Ganesha Prabhava Stuti


Warning: A non-numeric value encountered in /home/hariom15/public_html/hariome.com/wp-content/themes/Newspaper/includes/wp_booster/td_block.php on line 1009

LEAVE A REPLY

Please enter your comment!
Please enter your name here