Sri Gopala Stotram | śrī gōpāla stōtram

0
518
Sri Gopala Stotram
Sri Krishna Stotras in English

Sri Gopala Stotram Lyrics

śrīnārada uvāca –

navīnanīradaśyāmaṁ nīlēndīvaralōcanaṁ |
vallavīnandanaṁ vandē kr̥ṣṇaṁ gōpālarūpiṇam || 1 ||

sphuradbarhidalōdbaddhanīlakuñcitamūrdhajaṁ |
kadambakusumōdbaddhavanamālāvibhūṣitam || 2 ||

gaṇḍamaṇḍalasaṁsargicalatkuñcitakuntalaṁ |
sthūlamuktāphalōdārahāradyōtitavakṣasam || 3 ||

hēmāṅgadatulākōṭikirīṭōjjvalavigrahaṁ |
mandamārutasaṅkṣōbhacalitāmbarasañcayam || 4 ||

rucirōṣṭhapuṭanyastavaṁśīmadhuranissvanaiḥ |
lasadgōpālikācētō mōhayantaṁ punaḥ punaḥ || 5 ||

vallavīvadanāmbhōjamadhupānamadhuvrataṁ |
kṣōbhayantaṁ manastāsāṁ sasmērāpāṅgavīkṣaṇaiḥ || 6 ||

yauvanōdbhinnadēhābhissaṁsaktābhiḥ parasparam |
vicitrāmbarabhūṣābhirgōpanārībhirāvr̥tam || 7 ||

prabhinnāñjanakālindījalakēlīkalōtsukaṁ |
yōdhayantaṁ kvacidgōpānvyāharantaṁ gavāṁ gaṇam || 8 ||

kālindījalasaṁsargē śītalānilasēvitē |
kadambapādapacchāyē sthitaṁ br̥ndāvanē kvacit || 9 ||

ratnabhūdharasaṁlagnaratnāsanaparigrahaṁ |
kalpapādapamadhyasthahēmamaṇḍapikāgatam || 10 ||

vasantakusumāmōdasurabhīkr̥tadiṅmukhē |
gōvardhanagirau ramyē sthitaṁ rāsarasōtsukam || 11 ||

savyahastatalanyastagirivaryātapatrakam |
khaṇḍitākhaṇḍalōnmuktamuktāsāraghanāghanam || 12 ||

vēṇuvādyamahōllāsakr̥tahuṅkāranissvanaiḥ |
savatsairunmukhaiḥ śaśvadgōkulairabhivīkṣitam || 13 ||

kr̥ṣṇamēvānugāyadbhistaccēṣṭāvaśavartibhiḥ |
daṇḍapāśōddhr̥takarairgōpālairupaśōbhitam || 14 ||

nāradādyairmuniśrēṣṭhairvēdavēdāṅgapāragaiḥ |
prītisusnigdhayā vācā stūyamānaṁ parātparam || 15 ||

ya ēvaṁ cintayēddēvaṁ bhaktyā saṁstauti mānavaḥ |
trisandhyaṁ tasya tuṣṭō:’sau dadāti varamīpsitam || 16 ||

rājavallabhatāmēti bhavētsarvajanapriyaḥ |
acalāṁ śriyamāpnōti sa vāgmī jāyatē dhruvam || 17 ||

Download PDF here Sri Gopala Stotram

Hymns & Stotras

శ్రీ గోపాలస్తోత్రం – Sri Gopala Stotram

పుత్రపౌత్రాభివృద్ధిని కలిగించే శ్రీ గోపాల స్తోత్రం | Gopala Stotram In Telugu

సకల కళ్యాణ కారకం భువన మోహన రూపం | Story of Gopala Sundari in Telugu

Vishnu Ashtavimshati Nama Stotram

Sri Damodarashtakam

Achyutashtakam

Govindashtakam

Sri Krishna Ashtottara Shatanama Stotram

Sri Krishna Dvadashanama Stotram | Sri Krishna Dwadasa Nama Stotram

Sri Krishna Stavaraja

Sri Krishna Ashtottara Shatanamavali

Mukunda Maala Stotram

 

LEAVE A REPLY

Please enter your comment!
Please enter your name here