Sri Mathangi Hrudayam

0
40
Sri Mathangi Hrudayam

sri devi stotras

ēkadā kautukāviṣṭā bhairavaṁ bhūtasēvitam |
bhairavī paripapraccha sarvabhūtahitē ratā || 1 ||

śrībhairavyuvāca |
bhagavansarvadharmajña bhūtavātsalyabhāvana |
ahaṁ tu vēttumicchāmi sarvabhūtōpakāram || 2 ||

kēna mantrēṇa japtēna stōtrēṇa paṭhitēna ca |
sarvathā śrēyasāṁ prāptirbhūtānāṁ bhūtimicchatām || 3 ||

śrībhairava uvāca |
śr̥ṇu dēvi tava snēhātprāyō gōpyamapi priyē |
kathayiṣyāmi tatsarvaṁ sukhasampatkaraṁ śubham || 4 ||

paṭhatāṁ śr̥ṇvatāṁ nityaṁ sarvasampattidāyakam |
vidyaiśvaryasukhāvyāptimaṅgalapradamuttamam || 5 ||

mātaṅgyā hr̥dayaṁ stōtraṁ duḥkhadāridryabhañjanam |
maṅgalaṁ maṅgalānāṁ ca asti sarvasukhapradam || 6 ||

ōṁ asya śrīmātaṅgīhr̥dayastōtramantrasya dakṣiṇāmūrtirr̥ṣiḥ –
virāṭ chandaḥ – śrī mātaṅgī dēvatā – hrīṁ bījaṁ – klīṁ śaktiḥ – hrūṁ kīlakaṁ |
sarvavāñchitārthasiddhyarthē japē viniyōgaḥ ||

karanyāsaḥ |
ōṁ hrīṁ aṅguṣṭhābhyāṁ namaḥ |
ōṁ klīṁ tarjanībhyāṁ namaḥ |
ōṁ hrūṁ madhyamābhyāṁ namaḥ |
ōṁ hrīṁ anāmikābhyāṁ namaḥ |
ōṁ klīṁ kaniṣṭhikābhyāṁ namaḥ |
ōṁ hrūṁ karatalakarapr̥ṣṭhābhyāṁ namaḥ |

aṅganyāsaḥ |
ōṁ hrīṁ hr̥dayāya namaḥ |
ōṁ klīṁ śirasē svāhā |
ōṁ hrūṁ śikhāyai vaṣaṭ |
ōṁ hrīṁ nētratrayāya vauṣaṭ |
ōṁ klīṁ kavacāya hum |
ōṁ hrūṁ astrāya phaṭ |

dhyānam ||

śyāmāṁ śubhrāṁ suphālāṁ trikamalanayanāṁ ratnasiṁhāsanasthāṁ
bhaktābhīṣṭapradātrīṁ suranīkarakarāsēvyakañjāṅghriyugmām |
nīlāmbhōjātakāntiṁ niśicaranikarāraṇyadāvāgnirūpāṁ
mātaṅgīmāvahantīmabhimataphaladāṁ mōdinīṁ cintayāmi || 7 ||

namastē mātaṅgyai mr̥dumuditatanvai tanumatāṁ
paraśrēyōdāyai kamalacaraṇadhyānamanasāṁ |
sadā saṁsēvyāyai sadasi vibudhairdivyadhiṣaṇaiḥ
dayārdrāyai dēvyai duritadalanōddaṇḍa manasē || 8 ||

paraṁ mātastē yō japati manumēvōgrahr̥dayaḥ
kavitvaṁ kalpānāṁ kalayati sukalpaḥ pratipadam |
api prāyō ramyā:’mr̥tamayapadā tasya lalitā
naṭī cādyā vāṇī naṭana rasanāyāṁ ca phalitā || 9 ||

tava dhyāyantō yē vapuranujapanti pravalitaṁ
sadā mantraṁ mātarnahi bhavati tēṣāṁ paribhavaḥ |
kadambānāṁ mālyairapi śirasi yuñjanti yadi yē
bhavanti prāyastē yuvatijanayūthasvavaśagāḥ || 10 ||

sarōjaiḥ sāhasraiḥ sarasijapadadvandvamapi yē
sahasraṁ nāmōktvā tadapi ca tavāṅgē manumitaṁ |
pr̥thaṅnāmnā tēnāyutakalitamarcanti prasr̥tē
sadā dēvavrātapraṇamitapadāmbhōjayugalāḥ || 11 ||

tava prītyairmātardadati balimādāya salilaṁ
samatsyaṁ māṁsaṁ vā surucirasitaṁ rājarucitam |
supuṇyāyai svāntastava caraṇaprēmaikarasikāḥ
ahō bhāgyaṁ tēṣāṁ tribhuvanamalaṁ vaśyamakhilam || 12 ||

lasallōlaśrōtrābharaṇakiraṇakrāntilalitaṁ
mitasmērajyōtsnāpratiphalitabhābhirvikaritaṁ |
mukhāmbhōjaṁ mātastava pariluṭhadbhrūmadhukaraṁ
ramā yē dhyāyanti tyajati na hi tēṣāṁ subhavanam || 13 ||

paraḥ śrīmātaṅgyā japati hr̥dayākhyaḥ sumanasām-
ayaṁ sēvyaḥ sudyō:’bhimataphaladaścātilalitaḥ |
narā yē śr̥ṇvanti stavamapi paṭhantīmamanuniśaṁ
na tēṣāṁ duṣprāpyaṁ jagati yadalabhyaṁ diviṣadām || 14 ||

dhanārthī dhanamāpnōti dārārthī sundarīḥ priyāḥ |
sutārthī labhatē putraṁ stavasyāsya prakīrtanāt || 15 ||

vidyārthī labhatē vidyāṁ vividhāṁ vibhavapradāṁ |
jayārthī paṭhanādasya jayaṁ prāpnōti niścitam || 16 ||

naṣṭarājyō labhēdrājyaṁ sarvasampatsamāśritaṁ |
kubērasamasampattiḥ sa bhavēddhr̥dayaṁ paṭhan || 17 ||

kimatra bahunōktēna yadyadicchati mānavaḥ |
mātaṅgīhr̥dayastōtrapaṭhanātsarvamāpnuyāt || 18 ||

iti śrīdakṣiṇāmūrtisaṁhitāyāṁ śrīmātaṅgīhr̥dayastōtraṁ sampūrṇam |

Download PDF here Sri Mathangi Hrudayam


Warning: A non-numeric value encountered in /home/hariom15/public_html/hariome.com/wp-content/themes/Newspaper/includes/wp_booster/td_block.php on line 1009

LEAVE A REPLY

Please enter your comment!
Please enter your name here