Sri Padmavati Navaratna Malika Stuti in English | śrī padmāvatī navaratnamālikā stutiḥ

0
93
Sri Padmavati Navaratna Malika Stuti Lyrics in English
Sri Padmavati Navaratna Malika Stuti Lyrics With Meaning in English

Sri Padmavati Navaratna Malika Stuti Lyrics in English

śrīmān yasyāḥ priyassan sakalamapi jagajjaṅgamasthāvarādyaṁ
svarbhūpātālabhēdaṁ vividhavidhamahāśilpasāmarthyasiddham |
rañjan brahmāmarēndraistribhuvanajanakaḥ stūyatē bhūriśō yaḥ
sā viṣṇōrēkapatnī tribhuvanajananī pātu padmāvatī naḥ || 1 ||

śrīśr̥ṅgāraikadēvīṁ vidhimukhasumanaḥkōṭikōṭīrajāgra-
-dratnajyōtsnāprasāraprakaṭitacaraṇāmbhōjanīrājitārcām |
gīrvāṇastraiṇavāṇīpariphaṇitamahākīrtisaubhāgyabhāgyāṁ
hēlānirdagdhadainyaśramaviṣamamahāraṇyagaṇyāṁ namāmi || 2 ||

vidyutkōṭiprakāśāṁ vividhamaṇigaṇōnnidrasusnigdhaśōbhā-
sampatsampūrṇahārādyabhinavavibhavālaṅkriyōllāsikaṇṭhām |
ādyāṁ vidyōtamānasmitaruciracitānalpacandraprakāśāṁ
padmāṁ padmāyatākṣīṁ padanalinanamatpadmasadmāṁ namāmi || 3 ||

śaśvattasyāḥ śrayē:’haṁ caraṇasarasijaṁ śārṅgapāṇēḥ purandhryāḥ
stōkaṁ yasyāḥ prasādaḥ prasarati manujē krūradāridryadagdhē |
sō:’yaṁ sadyō:’navadyasthiratararuciraśrēṣṭhabhūyiṣṭhanavya-
-stavyaprāsādapaṅktiprasitabahuvidhaprābhavō bōbhavīti || 4 ||

saundaryōdvēlahēmāmbujamahitamahāsiṁhapīṭhāśrayāḍhyāṁ
puṣyannīlāravindapratimavarakr̥pāpūrasampūrṇanētrām |
jyōtsnāpīyūṣadhārāvahanavasuṣamakṣaumadhāmōjjvalāṅgīṁ
vandē siddhēśacētassarasijanilayāṁ cakrisaubhāgyar̥ddhim || 5 ||

saṁsāraklēśahantrīṁ smitaruciramukhīṁ sāraśr̥ṅgāraśōbhāṁ
sarvaiśvaryapradātrīṁ sarasijanayanāṁ saṁstutāṁ sādhubr̥ndaiḥ |
saṁsiddhasnigdhabhāvāṁ surahitacaritāṁ sindhurājātmabhūtāṁ
sēvē sambhāvanīyānupamitamahimāṁ saccidānandarūpām || 6 ||

siddhasvarṇōpamānadyutilasitatanuṁ snigdhasampūrṇacandra-
-vrīḍāsampādivaktrāṁ tilasumavijayōdyōganirnidranāsām |
tādātvōtphullanīlāmbujahasanacaṇātmīyacakṣuḥ prakāśāṁ
bālaśrīlapravālapriyasakhacaraṇadvandvaramyāṁ bhajē:’ham || 7 ||

yāṁ dēvīṁ maunivaryāḥ śrayadamaravadhūmaulimālyārcintāṅghriṁ
saṁsārāsāravārānnidhitarataraṇē sarvadā bhāvayantē |
śrīkārōttuṅgaratnapracuritakanakasnigdhaśuddhāntalīlāṁ
tāṁ śaśvatpādapadmaśrayadakhilahr̥dāhlādinīṁ hlādayē:’ham || 8 ||

ākāśādhīśaputrīṁ śritajananivahādhīnacētaḥpravr̥ttiṁ
vandē śrīvēṅkaṭēśaprabhuvaramahiṣīṁ dīnacittapratōṣām |
puṣyatpādāravindaprasr̥marasumahaśśāmitasvāśritānta-
-stāmisrāṁ tattvarūpāṁ śukapuranilayāṁ sarvasaubhāgyadātrīm || 9 ||

śrīśēṣaśarmābhinavōpakluptā
priyēṇa bhaktyā ca samarpitēyam |
padmāvatīmaṅgalakaṇṭhabhūṣā
virājatāṁ śrīnavaratnamālā || 10 ||

iti śrī padmāvatī navaratnamālikā stutiḥ |

Goddess Padmavati Stotras

Sri Padmavathi Stotram in English | śrī padmāvatī stōtram

Sri Padmavathi Ashtottara Satanamavali

శ్రీ పద్మావతీ స్తోత్రం | Sri Padmavathi Stotram in Telugu

శ్రీ పద్మావతి నవరత్నమాలికా స్తుతిః | Sri Padmavati Navaratna Malika Stuti in Telugu

శ్రీ పద్మావతీ అష్టోత్తర శతనామావళిః – Sri Padmavathi Ashtottara Satanamavali in Telugu

శ్రీ పద్మావతీ అష్టోత్తర శతనామావళిః – Sri Padmavathi Ashtottara Satanamavali in Telugu

Sri Padma Kavacham in English | śrī padmā kavacam

శ్రీ పద్మ కవచం | Sri Padma Kavacham in Telugu

Sri Mahalakshmi Aksharamalika Namavali in English | śrī mahālakṣmī akṣaramālikā nāmāvalī