Sri Shiva Stuti (Vande Shambhum Umapathim) in Telugu | శ్రీ శివ స్తుతిః (వందే శంభుం ఉమాపతిం)

0
159
Sri Shiva Stuti (Vande Shambhum Umapathim) Lyrics in Telugu
Sri Shiva Stuti (Vande Shambhum Umapathim) Lyrics With Meaning in Telugu PDF

Sri Shiva Stuti (Vande Shambhum Umapathim) Lyrics in Telugu

శ్రీ శివ స్తుతిః (వందే శంభుం ఉమాపతిం)

వందే శంభుముమాపతిం సురగురుం వందే జగత్కారణం
వందే పన్నగభూషణం మృగధరం వందే పశూనాం పతిమ్ |
వందే సూర్యశశాంకవహ్నినయనం వందే ముకుందప్రియం
వందే భక్తజనాశ్రయం చ వరదం వందే శివం శంకరమ్ || ౧ ||

వందే సర్వజగద్విహారమతులం వందేఽంధకధ్వంసినం
వందే దేవశిఖామణిం శశినిభం వందే హరేర్వల్లభమ్ |
వందే నాగభుజంగభూషణధరం వందే శివం చిన్మయం
వందే భక్తజనాశ్రయం చ వరదం వందే శివం శంకరమ్ || ౨ ||

వందే దివ్యమచింత్యమద్వయమహం వందేఽర్కదర్పాపహం
వందే నిర్మలమాదిమూలమనిశం వందే మఖధ్వంసినమ్ |
వందే సత్యమనంతమాద్యమభయం వందేఽతిశాంతాకృతిం
వందే భక్తజనాశ్రయం చ వరదం వందే శివం శంకరమ్ || ౩ ||

వందే భూరథమంబుజాక్షవిశిఖం వందే త్రయీఘోటకం
వందే శైలశరాసనం ఫణిగుణం వందేఽబ్ధితూణీరకమ్ |
వందే పద్మజసారథిం పురహరం వందే మహావైభవం
వందే భక్తజనాశ్రయం చ వరదం వందే శివం శంకరమ్ || ౪ ||

వందే పంచముఖాంబుజం త్రినయనం వందే లలాటేక్షణం
వందే వ్యోమగతం జటాసుముకుటం వందేందుగంగాధరమ్ |
వందే భస్మకృతత్రిపుండ్రనిటిలం వందేఽష్టమూర్త్యాత్మకం
వందే భక్తజనాశ్రయం చ వరదం వందే శివం శంకరమ్ || ౫ ||

వందే కాలహరం హరం విషధరం వందే మృడం ధూర్జటిం
వందే సర్వగతం దయామృతనిధిం వందే నృసింహాపహమ్ |
వందే విప్రసురార్చితాంఘ్రికమలం వందే భగాక్షాపహం
వందే భక్తజనాశ్రయం చ వరదం వందే శివం శంకరమ్ || ౬ ||

వందే మంగళరాజతాద్రినిలయం వందే సురాధీశ్వరం
వందే శంకరమప్రమేయమతులం వందే యమద్వేషిణమ్ |
వందే కుండలిరాజకుండలధరం వందే సహస్రాననం
వందే భక్తజనాశ్రయం చ వరదం వందే శివం శంకరమ్ || ౭ ||

వందే హంసమతీంద్రియం స్మరహరం వందే విరూపేక్షణం
వందే భూతగణేశమవ్యయమహం వందేఽర్థరాజ్యప్రదమ్ |
వందే సుందరసౌరభేయగమనం వందే త్రిశూలాయుధం
వందే భక్తజనాశ్రయం చ వరదం వందే శివం శంకరమ్ || ౮ ||

వందే సూక్ష్మమనంతమాద్యమభయం వందేఽంధకారాపహం
వందే రావణనందిభృంగివినతం వందే సుపర్ణావృతమ్ |
వందే శైలసుతార్ధభాగవపుషం వందేఽభయం త్ర్యంబకం
వందే భక్తజనాశ్రయం చ వరదం వందే శివం శంకరమ్ || ౯ ||

వందే పావనమంబరాత్మవిభవం వందే మహేంద్రేశ్వరం
వందే భక్తజనాశ్రయామరతరుం వందే నతాభీష్టదమ్ |
వందే జహ్నుసుతాంబికేశమనిశం వందే గణాధీశ్వరం
వందే భక్తజనాశ్రయం చ వరదం వందే శివం శంకరమ్ || ౧౦ ||

Lord Shiva Related Stotras

Varuna Krita Shiva Stotram Lyrics in Telugu | శ్రీ శివ స్తోత్రమ్ (వరుణ కృతమ్)

Sri Krishna Krita Sri Shiva Stotram Lyrics in Telugu | శ్రీ శివ స్తోత్రమ్ (శ్రీకృష్ణ కృతమ్)

Kalki Krita Shiva Stotram Lyrics in Telugu | శ్రీ శివ స్తోత్రం (కల్కి కృతమ్)

Upamanyu Krutha Shiva Stotram Lyrics in Telugu | శ్రీ శివ స్తోత్రం (ఉపమన్యు కృతం)

Asitha Krutha Shiva Stotram Lyrics in Telugu | శ్రీ శివ స్తోత్రమ్ (అసిత కృతమ్)

Sri Mrityunjaya Aksharamala Stotram in Telugu | శ్రీ మృత్యుంజయ అక్షరమాలా స్తోత్రం

Brahmadi Deva Krita Mahadeva Stuti in Telugu | శ్రీ మహాదేవ స్తుతిః (బ్రహ్మాదిదేవ కృతమ్)

Sri Shiva Mangala Ashtakam Lyrics in Telugu | శ్రీ శివ మంగళాష్టకం

Shiva Namavali Ashtakam Lyrics in Telugu | శ్రీ శివనామావళ్యష్టకం

Shiva Tandava Stotram Lyrics in Telugu | శివ తాండవ స్తోత్రం

Yama Kruta Shiva Keshava Stuti Lyrics in Telugu | శ్రీ శివకేశవ స్తుతిః (యమ కృతం)