Sri Sita Rama Stotram Lyrics
ayōdhyāpuranētāraṁ mithilāpuranāyikām |
rāghavāṇāmalaṅkāraṁ vaidēhānāmalaṅkriyām || 1 ||
raghūṇāṁ kuladīpaṁ ca nimīnāṁ kuladīpikām |
sūryavaṁśasamudbhūtaṁ sōmavaṁśasamudbhavām || 2 ||
putraṁ daśarathasyādyaṁ putrīṁ janakabhūpatēḥ |
vaśiṣṭhānumatācāraṁ śatānandamatānugām || 3 ||
kausalyāgarbhasambhūtaṁ vēdigarbhōditāṁ svayam |
puṇḍarīkaviśālākṣaṁ sphuradindīvarēkṣaṇām || 4 ||
candrakāntānanāmbhōjaṁ candrabimbōpamānanām |
mattamātaṅgagamanaṁ mattahaṁsavadhūgatām || 5 ||
candanārdrabhujāmadhyaṁ kuṅkumārdrakucasthalīm |
cāpālaṅkr̥tahastābjaṁ padmālaṅkr̥tapāṇikām || 6 ||
śaraṇāgatagōptāraṁ praṇipādaprasādikām |
kālamēghanibhaṁ rāmaṁ kārtasvarasamaprabhām || 7 ||
divyasiṁhāsanāsīnaṁ divyasragvastrabhūṣaṇām |
anukṣaṇaṁ kaṭākṣābhyāṁ anyōnyēkṣaṇakāṅkṣiṇau || 8 ||
anyōnyasadr̥śākārau trailōkyagr̥hadampatī|
imau yuvāṁ praṇamyāhaṁ bhajāmyadya kr̥tārthatām || 9 ||
anēna stauti yaḥ stutyaṁ rāmaṁ sītāṁ ca bhaktitaḥ |
tasya tau tanutāṁ puṇyāḥ sampadaḥ sakalārthadāḥ || 10 ||
ēvaṁ śrīrāmacandrasya jānakyāśca viśēṣataḥ |
kr̥taṁ hanūmatā puṇyaṁ stōtraṁ sadyō vimuktidam |
yaḥ paṭhētprātarutthāya sarvān kāmānavāpnuyāt || 11 ||
iti hanūmatkr̥ta-sītārāma stōtraṁ sampūrṇam ||
Download PDF here Sri Sita Rama Stotram
Related Posts
Sri Ram Apaduddharaka Stotram | Sri Rama Apaduddharaka Stotram
శ్రీ రామ అష్టోత్తరనామావళిః – Sri Rama Ashtottara Satanamavali
శ్రీ రామ అష్టోత్తరనామ స్తోత్రం – Sri Rama ashtottara satanama stotram
