Sri Stotram (Agni Purane)

0
75

puṣkara uvāca –
rājalakṣmīsthiratvāya yathēndrēṇa purā śriyaḥ |
stutiḥ kr̥tā tathā rājan jayārthaṁ stutimādarēt || 1 ||

indra uvāca-
namastē sarvalōkānāṁ jananīmabdhisambhavāṁ |
śriyamunnidrapadmākṣīṁ viṣṇuvakṣassthalasthitām || 2 ||

tvaṁ siddhistvaṁ svadhā svāhā sudhā tvaṁ lōkapāvanī |
sandhyā rātriḥ prabhā mūrtiḥ mēdhā śraddhā sarasvatī || 3 ||

yajñavidyā mahāvidyā guhyavidyā ca śōbhanē |
ātmavidyā ca dēvi tvaṁ vimuktiphaladāyinī || 4 ||

ānvīkṣikī trayī vārtā daṇḍanītistvamēva ca |
saumyāsaumyairjagadrūpaistvayaitaddēvi pūritam || 5 ||

kā tvanyā tvāmr̥tē dēvi sarvayajñamayaṁ vapuḥ |
adhyāstē dēvadēvasya yōgicintyaṁ gadābhr̥taḥ || 6 ||

tvayā dēvi parityaktaṁ sakalaṁ bhuvanatrayaṁ |
vinaṣṭaprāyamabhavat tvayēdānīṁ samēdhitam || 7 ||

dārāḥ putrāstathāgāraṁ suhr̥ddhānyadhanādikaṁ |
bhavatyētanmahābhāgē nityaṁ tvadvīkṣaṇānnr̥ṇām || 8 ||

śarīrārōgyamaiśvaryamaripakṣakṣayaḥ sukhaṁ |
dēvi tvaddr̥ṣṭidr̥ṣṭānāṁ puruṣāṇāṁ na durlabham || 9 ||

tvaṁ mātā sarvalōkānāṁ dēvadēvō hariḥ pitā |
tvayaitadviṣṇunā cāmba jagadvyāptaṁ carācaram || 10 ||

mānaḥ kōśaḥ tathā kōṣṭhaṁ māgr̥haṁ mā paricchadaṁ |
mā śarīraṁ kalatraṁ ca tyajēthāḥ sarvapāvani || 11 ||

mā putrān mā suhr̥dvargān mā paśūnmā vibhūṣaṇaṁ |
tyajēthā mama dēvasya viṣṇōrvakṣassthalālayē || 12 ||

satyēna satyaśaucābhyāṁ tathā śīlādibhirguṇaiḥ |
tyajantē tē narāḥ sadyaḥ santyaktā yē tvayāmalē || 13 ||

tvayāvalōkitāssadyaḥ śīlādyairakhilairguṇaiḥ |
kulaiśvaryaiśca yujyantē puruṣā nirguṇā api || 14 ||

sa ślāghyaḥ sa guṇī dhanyaḥ sa kulīnaḥ sa buddhimān |
sa śūraḥ sa ca vikrāntaḥ yastvayā dēvi vīkṣitaḥ || 15 ||

sadyō vaiguṇyamāyānti śīlādyāssakalā guṇāḥ |
parāṅmukhī jagaddhātrī yasya tvaṁ viṣṇuvallabhē || 16 ||

na tē varṇayituṁ śaktā guṇān jihvāpi vēdhasaḥ |
prasīda dēvi padmākṣi māsmāṁstyākṣīḥ kadācana || 17 ||

puṣkara uvāca-
ēvaṁ stutā dadau śrīśca varamindrāya cēpsitaṁ |
susthiratvaṁ ca rājyasya saṅgrāmavijayādikam || 18 ||

svastōtra pāṭhaśravaṇakartr̥̄ṇāṁ bhuktimuktidaṁ |
śrīstōtraṁ satataṁ tasmātpaṭhēcca śr̥ṇuyānnaraḥ || 19 ||

Download PDF here Sri Stotram (Agni Purane)


Warning: A non-numeric value encountered in /home/hariom15/public_html/hariome.com/wp-content/themes/Newspaper/includes/wp_booster/td_block.php on line 1009

LEAVE A REPLY

Please enter your comment!
Please enter your name here