Sri Subrahmanya stotram

0
40

ōṁ ādityaviṣṇuvighnēśarudrabrahmamarudgaṇāḥ |
lōkapālāḥ sarvadēvāḥ carācaramidaṁ jagat || 1 ||

sarvaṁ tvamēva brahmaiva ajamakṣaramadvayam |
apramēyaṁ mahāśāntaṁ acalaṁ nirvikārakam || 2 ||

nirālambaṁ nirābhāsaṁ sattāmātramagōcaram |
ēvaṁ tvāṁ mēdhayā buddhyā sadā paśyanti sūrayaḥ || 3 ||

ēvamajñānagāḍhāndhatamōpahatacētasaḥ |
na paśyanti tathā mūḍhāḥ sadā durgati hētavē || 4 ||

viṣṇvādīni svarūpāṇi līlālōkaviḍambanam |
kartumudyamya rūpāṇi vividhāni bhavanti ca || 5 ||

tattaduktāḥ kathāḥ samyak nityasadgatiprāptayē |
bhaktyā śrutvā paṭhitvā ca dr̥ṣṭyā sampūjya śraddhayā || 6 ||

sarvānkāmānavāpnōti bhavadārādhanātkhalu |
mama pūjāmanugrāhya suprasīda bhavānagha || 7 ||

capalaṁ manmathavaśamamaryādamasūyakam |
vañcakaṁ duḥkhajanakaṁ pāpiṣṭhaṁ pāhi māṁ prabhō || 8 ||

subrahmaṇyastōtramidaṁ yē paṭhanti dvijōttamāḥ |
tē sarvē muktimāyānti subrahmaṇya prasādataḥ || 9 ||

Download PDF here Sri Subrahmanya stotram


Warning: A non-numeric value encountered in /home/hariom15/public_html/hariome.com/wp-content/themes/Newspaper/includes/wp_booster/td_block.php on line 1009

LEAVE A REPLY

Please enter your comment!
Please enter your name here