Sri Vallabhesha Karavalamba Stotram in Telugu | శ్రీ వల్లభేశ కరావలంబ స్తోత్రం

0
124
Sri Vallabhesha Karavalamba Stotram Lyrics in Telugu
Sri Vallabhesha Karavalamba Stotram Lyrics With Meaning in Telugu

Sri Vallabhesha Karavalamba Stotram Lyrics in Telugu

శ్రీ వల్లభేశ కరావలంబ స్తోత్రం

ఓమంఘ్రిపద్మమకరందకులామృతం తే
నిత్యం భజంతి దివి యత్సురసిద్ధసంఘాః |
జ్ఞాత్వామృతం చ కణశస్తదహం భజామి
శ్రీవల్లభేశ మమ దేహి కరావలంబమ్ || ౧ ||

శ్రీమాతృసూనుమధునా శరణం ప్రపద్యే
దారిద్ర్యదుఃఖశమనం కురు మే గణేశ |
మత్సంకటం చ సకలం హర విఘ్నరాజ
శ్రీవల్లభేశ మమ దేహి కరావలంబమ్ || ౨ ||

గంగాధరాత్మజ వినాయక బాలమూర్తే
వ్యాధిం జవేన వినివారయ ఫాలచంద్ర |
విజ్ఞానదృష్టిమనిశం మయి సన్నిధేహి
శ్రీవల్లభేశ మమ దేహి కరావలంబమ్ || ౩ ||

గణ్యం మదీయభవనం చ విధాయ దృష్ట్యా
మద్దారపుత్రతనయాన్ సహజాంశ్చ సర్వాన్ |
ఆగత్య చాశు పరిపాలయ శూర్పకర్ణ
శ్రీవల్లభేశ మమ దేహి కరావలంబమ్ || ౪ ||

ణాకారమంత్రఘటితం తవ యంత్రరాజం
భక్త్యా స్మరామి సతతం దిశ సంపదో మే |
ఉద్యోగసిద్ధిమతులాం కవితాం చ లక్ష్మీం
శ్రీవల్లభేశ మమ దేహి కరావలంబమ్ || ౫ ||

పాదాదికేశమఖిలం సుధయా చ పూర్ణం
కోశాగ్నిపంచకమిదం శివభూతబీజమ్ |
త్వద్రూపవైభవమహో జనతా న వేత్తి
శ్రీవల్లభేశ మమ దేహి కరావలంబమ్ || ౬ ||

తాపత్రయం మమ హరామృతదృష్టివృష్ట్యా
పాపం వ్యపోహయ గజానన చాపదో మే |
దుష్టం విధాతృలిఖితం పరిమార్జయాశు
శ్రీవల్లభేశ మమ దేహి కరావలంబమ్ || ౭ ||

యే త్వాం విదంతి శివకల్పతరుం ప్రశస్తం
తేభ్యో దదాసి కుశలం నిఖిలార్థలాభమ్ |
మహ్యం తదైవ సకలం దిశ వక్రతుండ
శ్రీవల్లభేశ మమ దేహి కరావలంబమ్ || ౮ ||

నాదాంతవేద్యమమలం తవ పాదపద్మం
నిత్యం భజే విబుధ షట్పదసేవ్యమానమ్ |
సత్తాశమాద్యమఖిలం దిశ మే గణేశ
శ్రీవల్లభేశ మమ దేహి కరావలంబమ్ || ౯ ||

మోదామృతేన తవ మాం స్నపయాశు బాలం
పాపాబ్ధిపంకలులితం చ సహాయహీనమ్ |
వస్త్రాదిభూషణధనాని చ వాహనాదీన్
శ్రీవల్లభేశ మమ దేహి కరావలంబమ్ || ౧౦ ||

శ్రీవల్లభేశదశకం హఠయోగసాధ్యం
హేరంబ తే భగవతీశ్వర భృంగనాదమ్ |
శృత్వానిశం శ్రుతివిదః కులయోగినో యే
భూతిప్రదం భువి జనాః సుధియో రమంతామ్ || ౧౧ ||

Lord Ganesha Stotras

Sri Vallabhesha Hrudayam in Telugu | శ్రీ వల్లభేశ హృదయం

Vakratunda Stotram Lyrics in Telugu | వక్రతుండ స్తోత్రం

Vakratunda Ganesha Stavaraja in Telugu | వక్రతుండ గణేశ స్తవరాజః

Vakratunda Ganesha Kavacham in Telugu | వక్రతుండ గణేశ కవచం

Sri Lambodara Stotram (Krodhasura Krutam) in Telugu | శ్రీ లంబోదర స్తోత్రం (క్రోధాసుర కృతం)

Yogaprada Ganesha Stotram in Telugu | యోగప్రద గణేశ స్తోత్రం (ముద్గల పురాణే)

Sri Maha Ganapati Mantra Vigraha Kavacham in Telugu | శ్రీ మహాగణపతి మంత్రవిగ్రహ కవచం

Sri Maha Ganapathi Moola Mantra in Telugu | శ్రీ మహాగణపతి మూలమంత్రః

Mayuresha Stotram Lyrics in Telugu | మయూరేశ స్తోత్రం

Manoratha Siddhiprada Ganesha Stotram in Telugu | మనోరథసిద్ధిప్రద గణేశ స్తోత్రం

Panchashloki Ganesha Puranam in Telugu | పంచశ్లోకి గణేశ పురాణం