Sri Varaha Kavacham Lyrics in Telugu | శ్రీ వరాహ కవచం

0
151
Sri Varaha Kavacham Lyrics in Telugu PDF
Sri Varaha Kavacham Lyrics With Meaning in Telugu PDF Download

Sri Varaha Kavacham Lyrics in Telugu PDF

2శ్రీ వరాహ కవచం – 2

ధ్యానమ్ |
ఓం శ్వేతం వరాహవపుషం క్షితిముద్ధరన్తం
శంఘారిసర్వ వరదాభయ యుక్త బాహుమ్ |
ధ్యాయేన్నిజైశ్చ తనుభిః సకలైరుపేతం
పూర్ణం విభుం సకలవాంఛితసిద్ధయేఽజమ్ || ౨౬ ||

కవచమ్ |
వరాహః పూర్వతః పాతు దక్షిణే దండకాంతకః |
హిరణ్యాక్షహరః పాతు పశ్చిమే గదయా యుతః || ౨౭ ||

ఉత్తరే భూమిహృత్పాతు అధస్తాద్వాయువాహనః |
ఊర్ధ్వం పాతు హృషీకేశో దిగ్విదిక్షు గదాధరః || ౨౮ ||

ప్రాతః పాతు ప్రజానాథః కల్పకృత్సంగమేఽవతు |
మధ్యాహ్నే వజ్రకేశస్తు సాయాహ్నే సర్వపూజితః || ౨౯ ||

ప్రదోషే పాతు పద్మాక్షో రాత్రౌ రాజీవలోచనః |
నిశీంద్ర గర్వహా పాతు పాతూషః పరమేశ్వరః || ౩౦ ||

అటవ్యామగ్రజః పాతు గమనే గరుడాసనః |
స్థలే పాతు మహాతేజాః జలే పాత్వవనీపతిః || ౩౧ ||

గృహే పాతు గృహాధ్యక్షః పద్మనాభః పురోఽవతు |
ఝిల్లికా వరదః పాతు స్వగ్రామే కరుణాకరః || ౩౨ ||

రణాగ్రే దైత్యహా పాతు విషమే పాతు చక్రభృత్ |
రోగేషు వైద్యరాజస్తు కోలో వ్యాధిషు రక్షతు || ౩౩ ||

తాపత్రయాత్తపోమూర్తిః కర్మపాశాచ్చ విశ్వకృత్ |
క్లేశకాలేషు సర్వేషు పాతు పద్మాపతిర్విభుః || ౩౪ ||

హిరణ్యగర్భసంస్తుత్యః పాదౌ పాతు నిరంతరమ్ |
గుల్ఫౌ గుణాకరః పాతు జంఘే పాతు జనార్దనః || ౩౫ ||

జానూ చ జయకృత్పాతు పాతూరూ పురుషోత్తమః |
రక్తాక్షో జఘనే పాతు కటిం విశ్వంభరోఽవతు || ౩౬ ||

పార్శ్వే పాతు సురాధ్యక్షః పాతు కుక్షిం పరాత్పరః |
నాభిం బ్రహ్మపితా పాతు హృదయం హృదయేశ్వరః || ౩౭ ||

మహాదంష్ట్రః స్తనౌ పాతు కంఠం పాతు విముక్తిదః |
ప్రభంజన పతిర్బాహూ కరౌ కామపితాఽవతు || ౩౮ ||

హస్తౌ హంసపతిః పాతు పాతు సర్వాంగులీర్హరిః |
సర్వాంగశ్చిబుకం పాతు పాత్వోష్ఠౌ కాలనేమిహా || ౩౯ ||

ముఖం తు మధుహా పాతు దంతాన్ దామోదరోఽవతు |
నాసికామవ్యయః పాతు నేత్రే సూర్యేందులోచనః || ౪౦ ||

ఫాలం కర్మఫలాధ్యక్షః పాతు కర్ణౌ మహారథః |
శేషశాయీ శిరః పాతు కేశాన్ పాతు నిరామయః || ౪౧ ||

సర్వాంగం పాతు సర్వేశః సదా పాతు సతీశ్వరః |
ఇతీదం కవచం పుణ్యం వరాహస్య మహాత్మనః || ౪౨ ||

యః పఠేత్ శృణుయాద్వాపి తస్య మృత్యుర్వినశ్యతి |
తం నమస్యంతి భూతాని భీతాః సాంజలిపాణయః || ౪౩ ||

రాజదస్యుభయం నాస్తి రాజ్యభ్రంశో న జాయతే |
యన్నామ స్మరణాత్భీతాః భూతవేతాళరాక్షసాః || ౪౪ ||

మహారోగాశ్చ నశ్యంతి సత్యం సత్యం వదామ్యహమ్ |
కంఠే తు కవచం బద్ధ్వా వన్ధ్యా పుత్రవతీ భవేత్ || ౪౫ ||

శత్రుసైన్య క్షయ ప్రాప్తిః దుఃఖప్రశమనం తథా |
ఉత్పాత దుర్నిమిత్తాది సూచితారిష్టనాశనమ్ || ౪౬ ||

బ్రహ్మవిద్యాప్రబోధం చ లభతే నాత్ర సంశయః |
ధృత్వేదం కవచం పుణ్యం మాంధాతా పరవీరహా || ౪౭ ||

జిత్వా తు శాంబరీం మాయాం దైత్యేంద్రానవధీత్క్షణాత్ |
కవచేనావృతో భూత్వా దేవేంద్రోఽపి సురారిహా || ౪౮ ||

భూమ్యోపదిష్టకవచ ధారణాన్నరకోఽపి చ |
సర్వావధ్యో జయీ భూత్వా మహతీం కీర్తిమాప్తవాన్ || ౪౯ ||

అశ్వత్థమూలేఽర్కవారే నిత్య పుష్కరిణీతటే |
వరాహకవచం జప్త్వా శతవారం పఠేద్యది || ౫౦ ||

అపూర్వరాజ్య సంప్రాప్తిం నష్టస్య పునరాగమమ్ |
లభతే నాత్ర సందేహః సత్యమేతన్మయోదితమ్ || ౫౧ ||

జప్త్వా వరాహమంత్రం తు లక్షమేకం నిరంతరమ్ |
దశాంశం తర్పణం హోమం పాయసేన ఘృతేన చ || ౫౨ ||

కుర్వన్ త్రికాలసంధ్యాసు కవచేనావృతో యది |
భూమండలాధిపత్యం చ లభతే నాత్ర సంశయః || ౫౩ ||

ఇదముక్తం మయా దేవి గోపనీయం దురాత్మనామ్ |
వరాహకవచం పుణ్యం సంసారార్ణవతారకమ్ || ౫౪ ||

మహాపాతకకోటిఘ్నం భుక్తిముక్తిఫలప్రదమ్ |
వాచ్యం పుత్రాయ శిష్యాయ సద్వృత్తాయ సుధీమతే || ౫౫ ||

శ్రీ సూతః –
ఇతి పత్యుర్వచః శ్రుత్వా దేవీ సంతుష్టమానసా |
వినాయక గుహౌ పుత్రౌ ప్రపేదే ద్వౌ సురార్చితౌ || ౫౬ ||

కవచస్య ప్రభావేన లోకమాతా చ పార్వతీ |
య ఇదం శృణుయాన్నిత్యం యో వా పఠతి నిత్యశః |
స ముక్తః సర్వపాపేభ్యో విష్ణులోకే మహీయతే || ౫౭ ||

ఇతి శ్రీవరాహ కవచం సంపూర్ణమ్ |

Sri Maha Vishnu Related Posts

Sri Balarama Stotram Lyrics In Telugu | శ్రీ బలరామ స్తోత్రం

Sri Balarama Kavacham Lyrics In Telugu | శ్రీ బలరామ కవచం

Sri Parashurama Stuti Lyrics In Telugu | శ్రీ పరశురామ స్తుతిః

Dashavatara Stuti Lyrics In Telugu | దశావతార స్తుతిః

Sri Dashavatara Stotram Lyrics In Telugu | దశావతార స్తోత్రం

Sri Kalki Stotram Lyrics In Telugu | శ్రీ కల్కి స్తోత్రం

Sri Parashurama Ashta Vimsathi Nama Stotram In Telugu | శ్రీ పరశురామాష్టావింశతినామ స్తోత్రం

శ్రీ విష్ణు అష్టోత్తర శతనామావళిః – Sri Vishnu Ashtottara Satanamavali in Telugu

Mohamudgara (Bhaja Govindam) in Telugu | మోహముద్గరః (భజ గోవిందం)

శ్రీ విష్ణు సహస్రనామ స్తోత్రం ఉత్తర పీఠిక – Sri Vishnu Sahasranama Stotram Uttara Peetika

విష్ణు సహస్రనామ స్తోత్రం పూర్వ పీఠిక – Sri Vishnu Sahasranama Stotram Poorva Peetika

Next