Sudarshana shatkam
sahasrādityasaṅkāśaṁ sahasravadanaṁ param |
sahasradōssahasrāraṁ prapadyē:’haṁ sudarśanam || 1 ||
hasantaṁ hārakēyūra makuṭāṅgadabhūṣaṇaiḥ |
śōbhanairbhūṣitatanuṁ prapadyē:’haṁ sudarśanam || 2 ||
srākārasahitaṁ mantraṁ vadanaṁ śatrunigraham |
sarvarōgapraśamanaṁ prapadyē:’haṁ sudarśanam || 3 ||
raṇatkiṅkiṇijālēna rākṣasaghnaṁ mahādbhutaṁ |
vyuptakēśaṁ virūpākṣaṁ prapadyē:’haṁ sudarśanam || 4 ||
huṅkārabhairavaṁ bhīmaṁ praṇātārtiharaṁ prabhuṁ |
sarvapāpapraśamanaṁ prapadyē:’haṁ sudarśanam || 5 ||
phaṭkārāstamanirdēśya divyamantrēṇasamyutaṁ |
śivaṁ prasannavadanaṁ prapadyē:’haṁ sudarśanam || 6 ||
ētaiṣṣaḍbhiḥ stutō dēvaḥ prasannaḥ śrīsudarśanaḥ |
rakṣāṁ karōti sarvātmā sarvatra vijayī bhavēt || 7 ||
