తెలంగాణ రాష్ట్ర ఎన్నికలలో పోటీ చేసే అభ్యర్థుల నామినేషన్ ప్రక్రియ ప్రారంభమైంది.
ఈ రోజు అనగా 12-11-2018 గ్రహ స్థితి ఈరకంగా ఉంది.
- విశాఖ ౨ అర్కః
- పూ.షా ౩ చన్దః
- ధనిష్ఠ ౪ కుజః
- జ్యేష్ఠ ౧ బుధః
- అనూరాధ ౨ గురుః
- చిత్త ౩ వక్రీ శుక్రః
- మూల ౪ శనిః
- పుష్యమి ౧ రాహుః
- ఉ.షా౩ కేతుః
గ్రహ స్థితి పరిశీలిస్తే దాదాపు ఎనిమిది గ్రహాలు అపసవ్యముగా వరుస ఐదు రాశులలో ఉన్నవి.
ఈరోజు నక్షత్రాధిపతి స్వక్షేత్రంలో వక్రగతిని పొంది నీచలో ఉన్న రవితో కలసి ఉన్నాడు
రవి-శుక్రులు తులలో, గురు-బుధులు వృశ్చిక రాశిలో, శని- చన్ద్రులు ధనస్సు లో ఉండి శుభ గ్రాహాలైన గురు బుధులకు పాపార్గళం వల్ల లగ్న నిర్ణయం కీలకపాత్ర పోషిస్తుంది
మద్యాహ్నం 2:05 లగాయతు 4:15 లోపు లగ్నము బలమైనది. తక్కిన సమయంలో మొదలుపెట్టిన కార్యములు అనగా నామినేషన్ దాఖలు, వెనుకకు తీసుకోవడం లేదా సున్నితమైన పరిస్థితి ఏర్పడి ఆటంకాల వల్ల గమ్యం చేరుకోవడానికి కష్టపడవలసి ఉంటుంది.
– దైవజ్ఞ నిట్టల ఫణి భాస్కర
