Trailokya Mangala Krishna Kavacham in English | trailōkyamaṅgalakavacam

0
51
Trailokya Mangala Krishna Kavacham in English
Trailokya Mangala Krishna Kavacham in English pdf download

Trailokya Mangala Krishna Kavacham Lyrics in English

śrī nārada uvāca –
bhagavansarvadharmajña kavacaṁ yatprakāśitaṁ |
trailōkyamaṅgalaṁ nāma kr̥payā kathaya prabhō || 1 ||

sanatkumāra uvāca –
śr̥ṇu vakṣyāmi viprēndra kavacaṁ paramādbhutaṁ |
nārāyaṇēna kathitaṁ kr̥payā brahmaṇē purā || 2 ||

brahmaṇā kathitaṁ mahyaṁ paraṁ snēhādvadāmi tē |
ati guhyataraṁ tattvaṁ brahmamantraughavigraham || 3 ||

yaddhr̥tvā paṭhanādbrahmā sr̥ṣṭiṁ vitanutē dhruvaṁ |
yaddhr̥tvā paṭhanātpāti mahālakṣmīrjagattrayam || 4 ||

paṭhanāddhāraṇācchambhuḥ saṁhartā sarvamantravit |
trailōkyajananī durgā mahiṣādimahāsurān || 5 ||

varatr̥ptān jaghānaiva paṭhanāddhāraṇādyataḥ |
ēvamindrādayaḥ sarvē sarvaiśvaryamavāpnuyuḥ || 6 ||

idaṁ kavacamatyantaguptaṁ kutrāpi nō vadēt |
śiṣyāya bhaktiyuktāya sādhakāya prakāśayēt || 7 ||

śaṭhāya paraśiṣyāya datvā mr̥tyumavāpnuyāt |
trailōkyamaṅgalasyā:’sya kavacasya prajāpatiḥ || 8 ||

r̥ṣiśchandaśca gāyatrī dēvō nārāyaṇassvayaṁ |
dharmārthakāmamōkṣēṣu viniyōgaḥ prakīrtitaḥ || 9 ||

praṇavō mē śiraḥ pātu namō nārāyaṇāya ca |
phālaṁ mē nētrayugalamaṣṭārṇō bhuktimuktidaḥ || 10 ||

klīṁ pāyācchrōtrayugmaṁ caikākṣaraḥ sarvamōhanaḥ |
klīṁ kr̥ṣṇāya sadā ghrāṇaṁ gōvindāyēti jihvikām || 11 ||

gōpījanapadavallabhāya svāhā:’nanaṁ mama |
aṣṭādaśākṣarō mantraḥ kaṇṭhaṁ pātu daśākṣaraḥ || 12 ||

gōpījanapadavallabhāya svāhā bhujadvayaṁ |
klīṁ glauṁ klīṁ śyāmalāṅgāya namaḥ skandhau rakṣākṣaraḥ || 13 ||

klīṁ kr̥ṣṇaḥ klīṁ karau pāyāt klīṁ kr̥ṣṇāyāṁ gatō:’vatu |
hr̥dayaṁ bhuvanēśānaḥ klīṁ kr̥ṣṇaḥ klīṁ stanau mama || 14 ||

gōpālāyāgnijāyātaṁ kukṣiyugmaṁ sadā:’vatu |
klīṁ kr̥ṣṇāya sadā pātu pārśvayugmamanuttamaḥ || 15 ||

kr̥ṣṇa gōvindakau pātu smarādyaujēyutau manuḥ |
aṣṭākṣaraḥ pātu nābhiṁ kr̥ṣṇēti dvyakṣarō:’vatu || 16 ||

pr̥ṣṭhaṁ klīṁ kr̥ṣṇakaṁ galla klīṁ kr̥ṣṇāya dvirāntakaḥ |
sakthinī satataṁ pātu śrīṁ hrīṁ klīṁ kr̥ṣṇaṭhadvayam || 17 ||

ūrū saptākṣaraṁ pāyāt trayōdaśākṣarō:’vatu |
śrīṁ hrīṁ klīṁ padatō gōpījanavallabhapadaṁ tataḥ || 18 ||

śriyā svāhēti pāyū vai klīṁ hrīṁ śrīṁ sadaśārṇakaḥ |
jānunī ca sadā pātu klīṁ hrīṁ śrīṁ ca daśākṣaraḥ || 19 ||

trayōdaśākṣaraḥ pātu jaṅghē cakrādyudāyudhaḥ |
aṣṭādaśākṣarō hrīṁ śrīṁ pūrvakō viṁśadarṇakaḥ || 20 ||

sarvāṅgaṁ mē sadā pātu dvārakānāyakō balī |
namō bhagavatē paścādvāsudēvāya tatparam || 21 ||

tārādyō dvādaśārṇō:’yaṁ prācyāṁ māṁ sarvadā:’vatu |
śrīṁ hrīṁ klīṁ ca daśārṇastu klīṁ hrīṁ śrīṁ ṣōḍaśārṇakaḥ || 22 ||

gadādyudāyudhō viṣṇurmāmagnērdiśi rakṣatu |
hrīṁ śrīṁ daśākṣarō mantrō dakṣiṇē māṁ sadā:’vatu || 23 ||

tārō namō bhagavatē rukmiṇīvallabhāya ca |
svāhēti ṣōḍaśārṇō:’yaṁ nairr̥tyāṁ diśi rakṣatu || 24 ||

klīṁ hr̥ṣīkēśa vaṁśāya namō māṁ vāruṇō:’vatu |
aṣṭādaśārṇaḥ kāmāntō vāyavyē māṁ sadā:’vatu || 25 ||

śrīṁ māyākāmatr̥ṣṇāya gōvindāya dvikō manuḥ |
dvādaśārṇātmakō viṣṇuruttarē māṁ sadā:’vatu || 26 ||

vāgbhavaṁ kāmakr̥ṣṇāya hrīṁ gōvindāya tatparaṁ |
śrīṁ gōpījanavallabhāya svāhā hastau tataḥ param || 27 ||

dvāviṁśatyakṣarō mantrō māmaiśānyē sadā:’vatu |
kālīyasya phaṇāmadhyē divyaṁ nr̥tyaṁ karōti tam || 28 ||

namāmi dēvakīputraṁ nr̥tyarājānamacyutaṁ |
dvātriṁśadakṣarō mantrō:’pyadhō māṁ sarvadā:’vatu || 29 ||

kāmadēvāya vidmahē puṣpabāṇāya dhīmahi |
tannō:’naṅgaḥ pracōdayādēṣā māṁ pātucōrdhvataḥ || 30 ||

iti tē kathitaṁ vipra brahmamantraughavigrahaṁ |
trailōkyamaṅgalaṁ nāma kavacaṁ brahmarūpakam || 31 ||

brahmaṇā kathitaṁ pūrvaṁ nārāyaṇamukhācchrutaṁ |
tava snēhānmayā:’khyātaṁ pravaktavyaṁ na kasyacit || 32 ||

guruṁ praṇamya vidhivatkavacaṁ prapaṭhēttataḥ |
sakr̥ddvistriryathājñānaṁ sa hi sarvatapōmayaḥ || 33 ||

mantrēṣu sakalēṣvēva dēśikō nātra saṁśayaḥ |
śatamaṣṭōttaraṁ cāsya puraścaryā vidhissmr̥taḥ || 34 ||

havanādīndaśāṁśēna kr̥tvā tatsādhayēddhruvaṁ |
yadi syātsiddhakavacō viṣṇurēva bhavētsvayam || 35 ||

mantrasiddhirbhavēttasya puraścaryā vidhānataḥ |
spardhāmuddhūya satataṁ lakṣmīrvāṇī vasēttataḥ || 36 ||

puṣpāñjalyaṣṭakaṁ datvā mūlēnaiva paṭhētsakr̥t |
daśavarṣasahasrāṇi pūjāyāḥ phalamāpnuyāt || 37 ||

bhūrjē vilikhya gulikāṁ svarṇasthāṁ dhārayēdyadi |
kaṇṭhē vā dakṣiṇē bāhau sō:’pi viṣṇurna saṁśayaḥ || 38 ||

aśvamēdhasahasrāṇi vājapēyaśatāni ca |
mahādānāni yānyēva prādakṣiṇyaṁ bhuvastathā || 39 ||

kalāṁ nārhanti tānyēva sakr̥duccāraṇāttataḥ |
kavacasya prasādēna jīvanmuktō bhavēnnaraḥ || 40 ||

trailōkyaṁ kṣōbhayatyēva trailōkyavijayī sa hi |
idaṁ kavacamajñātvā yajēdyaḥ puruṣōttamam |
śatalakṣaprajaptō:’pi na mantrastasya siddhyati || 41 ||

iti śrī nāradapāñcarātrē jñānāmr̥tasārē trailōkyamaṅgalakavacam |

Lord Krishna Related Stotras

Sri Krishna Aksharamalika Stotram in English | śrī kr̥ṣṇa akṣaramālikā stōtram

Achyuta Ashtakam 2 in English | śrī acyutāṣṭakam – 2

Sri Shiva Dvadashanama Stotram

Dvadasa Aditya Dhyana Slokas Lyrics in English | Lord Surya Stotras

Sri Krishna Dvadashanama Stotram | Sri Krishna Dwadasa Nama Stotram

Dwadasa Jyotirlinga Stotram

శ్రీ వేంకటేశ్వర ద్వాదశనామ స్తోత్రం – Sri Venkateshwara Dwadasa Nama Stotram in Telugu

Dvadasa Jyothirlingani

Sri Saraswathi Dvadasanama Stotram

Sri Anjaneya Dwadasa Nama Stotram – శ్రీ ఆంజనేయ ద్వాదశ నామ స్తోత్రం

Sri Krishna Dwadasa Nama Stotram | శ్రీ కృష్ణ ద్వాదశ నామ స్తోత్రం

ద్వాదశాఽదిత్య ధ్యాన శ్లోకాలు – Dvadasa Aditya Dhyana Slokas