2. పేగుల్లో పురుగులు కారణాలు
- మట్టి, గోడకు వేసిన సున్నం, చాక్ పీసులు, బలపాలు, బియ్యంలో మట్టిగడ్డలు వంటివి తినడం. (మట్టిలో ఉండే పురుగుల గుడ్లు పేగుల్లోకి చేరి పొదిగి పురుగులుగా మారతాయి)
- మూతపెట్టని, సరిగా నిల్వచేయని ఆహారపదార్ధాలు. (వీటిమీద ఈగలు వాలతాయి. ఇవి ఇంతకుముందు అశుద్ధం మీద వాలి ఉంటాయి. కాబట్టి ఇతర అనారోగ్యాలతోపాటు పురుగుల గుడ్లనుకూడా చేరవేస్తాయి)
- బహిర్భూమిలో, పారిశుద్ధ్య పద్ధతులు పాటించకుండా మలవిసర్జన చేయడం. (మలంద్వారా విసర్జితమైన పురుగుల గుడ్లు వివిధ మార్గాల ద్వారా తిరిగి మనసుషులను చేరతాయి)
- తాగునీటిని శుభ్ర పరచకుండా, వడపోయకుండా, మరిగించకుండా తాగటం (పురుగుల గుడ్లు కలిగిన డ్రైనేజ్ నీళ్ళు మంచినీళ్లతో కలిసిపోయి సమస్యలను కలిగిస్తాయి)
- ఉడికీ ఉడకని ఆహార పదార్ధాలను, మాంసాన్నీ తినడం (వీటిల్లోని పురుగుల సిస్టులు నాశనం కావు. కనుక పేగుల్లోకి వెళ్లిన తరువాత తిరిగి వృద్ధి చెందుతాయి)
- చెప్పులు లేకుండా తిరగటం (పాదాలద్వారా మట్టిలో వుండే పురుగులు శరీరంలోకి చొచ్చుకొని వెళ్లి వృద్ధి చెందుతాయి)
Promoted Content
