Sri Chidambareswara Stotram in English PDF Download
Sri Chidambareswara Stotram Lyrics
kr̥pāsamudraṁ sumukhaṁ trinētraṁ jaṭādharaṁ pārvatīvāmabhāgam |
sadāśivaṁ rudramanantarūpaṁ cidambarēśaṁ hr̥di bhāvayāmi || 1 ||
vācāmatītaṁ phaṇibhūṣaṇāṅgaṁ gaṇēśatātaṁ dhanadasya mitram |
kandarpanāśaṁ kamalōtpalākṣaṁ cidambarēśaṁ hr̥di bhāvayāmi || 2 ||
ramēśavandyaṁ rajatādrināthaṁ śrīvāmadēvaṁ bhavaduḥkhanāśam |
rakṣākaraṁ rākṣasapīḍitānāṁ cidambarēśaṁ hr̥di bhāvayāmi || 3 ||
dēvādidēvaṁ jagadēkanāthaṁ dēvēśavandyaṁ śaśikhaṇḍacūḍam |
gaurīsamētaṁ kr̥tavighnadakṣaṁ cidambarēśaṁ hr̥di bhāvayāmi || 4 ||
vēdāntavēdyaṁ suravairivighnaṁ śubhapradaṁ bhaktimadantarāṇām |
kālāntakaṁ śrīkaruṇākaṭākṣaṁ cidambarēśaṁ hr̥di bhāvayāmi || 5 ||
hēmādricāpaṁ triguṇātmabhāvaṁ guhātmajaṁ vyāghrapurīśamādyam |
śmaśānavāsaṁ vr̥ṣavāhanasthaṁ cidambarēśaṁ hr̥di bhāvayāmi || 6 ||
ādyantaśūnyaṁ tripurārimīśaṁ nandīśamukhyastutavaibhavāḍhyam |
samastadēvaiḥ paripūjitāṅghriṁ cidambarēśaṁ hr̥di bhāvayāmi || 7 ||
tamēva bhāntaṁ hyanubhātisarvamanēkarūpaṁ paramārthamēkam |
pinākapāṇiṁ bhavanāśahētuṁ cidambarēśaṁ hr̥di bhāvayāmi || 8 ||
viśvēśvaraṁ nityamanantamādyaṁ trilōcanaṁ candrakalāvataṁsam |
patiṁ paśūnāṁ hr̥di sanniviṣṭaṁ cidambarēśaṁ hr̥di bhāvayāmi || 9 ||
viśvādhikaṁ viṣṇumukhairupāsyaṁ trilōcanaṁ pañcamukhaṁ prasannaṁ |
umāpatiṁ pāpaharaṁ praśāntaṁ cidambarēśaṁ hr̥di bhāvayāmi || 10 ||
karpūragātraṁ kamanīyanētraṁ kaṁsārimitraṁ kamalēnduvaktram |
kandarpagātraṁ kamalēśamitraṁ cidambarēśaṁ hr̥di bhāvayāmi || 11 ||
viśālanētraṁ paripūrṇagātraṁ gaurīkalatraṁ haridaṁbarēśam |
kubēramitraṁ jagataḥ pavitraṁ cidambarēśaṁ hr̥di bhāvayāmi || 12 ||
kaḷyāṇamūrtiṁ kanakādricāpaṁ kāntāsamākrāntanijardhadēham |
kapardinaṁ kāmaripuṁ purāriṁ cidambarēśaṁ hr̥di bhāvayāmi || 13 ||
kalpāntakālāhitacaṇḍanr̥ttaṁ samastavēdāntavacōnigūḍham |
ayugmanētraṁ girijāsahāyaṁ cidambarēśaṁ hr̥di bhāvayāmi || 14 ||
digaṁbaraṁ śaṅkhasitālpahāsaṁ kapālinaṁ śūlinamaprayēm |
nāgātmajāvaktrapayōjasūryaṁ cidambarēśaṁ hr̥di bhāvayāmi || 15 ||
sadāśivaṁ satpuruṣairanēkaiḥ sadārcitaṁ sāmaśirassugītam |
vaiyyāghracarmāṁbaramugramīśaṁ cidambarēśaṁ hr̥di bhāvayāmi || 16 ||
cidaṁbarasya stvanaṁ paṭhēdyaḥ pradōṣakālēṣu pumān sa dhanyaḥ |
bhōgānaśēṣānanubhūya bhūyaḥ sāyujyamapyēti cidambarasya || 17 ||
iti śrīcidambarēśvarastōtram sampūrṇam |
Download PDF here Sri Chidambareshwara Stotram
Related Posts
